القصيدة: گلبي وانت أداء: مسلم الوائلي
كلمات: هاني الناشي
~~~~~
الليله سكته .. گلبي وانت
الدنيه كلها .. بعيني ميته
الراحه جانت بين اديك ودللتني
وهاي اول مره اگلك تعبتني
بعيني ميته .. بعيني ميته
~~~~
يا وجه الصبح حسيت وجهك بي أثر فرگه
المفارگله غالي يضيع المضيع ابو شيلگه
فرق ماكو الگبر والبيت هنه اثنينهن خنگه
گلبي مكسور علي وما بيه همه
والهوه الهاب رمح بي من اشمه
الجنت عمره .. خلص صبره
فراگ وجهك .. كسر ظهره
سنيني طاحن شيب لمن فارگتني
وهاي اول مره اگلك تعبتني
بعيني ميته .. بعيني ميته
~~~~~~
مثل دمك طحت عالگاع بعد يا جف اليلمني
شما ادفع بديه الموت يرجع ياخذك مني
الوجهك ما يلوگ تراب ترابك ريته دافني
الليله الگلوب علي موش بسلامه
حته الطيور بقت عگبك يتامه
يعينه ربه .. العاش غربه
جنه دافن .. بيده گلبه
شگد صحت بويه فدوه وياك اخذني
هاي اول مره اگلك تعبتني
بعيني ميته .. بعيني ميته
~~~~
گبل وكته تره من الشوگ المفارگ ابو يكبر
مد ايده وخذاك الموت وگلبي من الضلوع انجر
ما صارت گبل بحسين يريد يگوم ما يگدر
حته الجدام احس معتازه خطوه
للگبر يا علي مشتني گوه
راح كلشي .. وگوه امشي
جني شايل .. بيدي نعشي
الليله خلصت وانت بسمي ما صحتني
وهاي اول مره اگلك تعبتني
بعيني ميته .. بعيني ميته
~~~~~~
جا ياهو اليضل وياي باجر لو فرغ ظهري
باجر لو مشه العباس كلها تذبح بنحري
باجر ماكو حافر خيل ما يتوسد بصدري
بالطف الناس علي كلهم شماته
باجر ابنك رمح يدفع خواته
ماكو خيمه .. اتضم يتيمه
الدنيه باجر .. كلها هيمه
شلون بالطف گتلك وما جاوبتني
وهاي اول مره اگلك تعبتني
بعيني ميته .. بعيني ميته
~~~~~~~
شدت زينب بلياك باجر بيش راح اتفض
حرمه وتمشي بين الناس وارماح الزلم تعرض
ولأن رجليها مجويات كلها اتصيح خل تركض
تشاگف شلون علي المجتوفه اديها
براس الحسين شمر يفتر عليها
وجي تسلب .. ناره تلهب
شلون بله .. بگلب زينب
مودع الله بعطش گلبي ودمع جفني
وهاي اول مره اگلك تعبتني
بعيني ميته .. بعيني ميته
°°°°°°°°°°°°°°°°°°°°°°°°° °°°°°
رد مع اقتباس
المشاركة الأصلية كتبت بواسطة A.O.K
