اني آسف تعبتك وياي هواي
ما أدري حُبك وهم ضيع مداي
حسبالي تسوه التعب وأثريك طين
لا بيك ذرة وفه ولا تعرف الزين
شلتك نجم بالسما وحسبتك تلوح
وأثريك عثرة درب بيها انملت روح
بعت الوفا والمضى لـجل السراب
وگـلبي الهواك بنبض سدالك الباب
بحر المحنة انتهى والجرف مهجور
ومركب غرامك غرك بسواحل البور
لا تظن دمعي يصب لو مرني ذكراك
أني الذي بالصبر لويتها لـيمناك
عفتك لـدنياك والحسرة تچويك
وذاك التعب وياك حرّمت أهديك
خسران يالبعت ما تلگى شراي
ومثلي بعد هيهات يتكرر بدنياي
دربك بعيد ورحل وما أعاود عليه
والباعني للغرب حرّمت أمر بيه
ما تسوه أعاتب بعد والعشرة انتهت
راية غرامچ طفت وبيدي انچفت
بقلمي لا غير
رد مع اقتباس
المشاركة الأصلية كتبت بواسطة عليـﮯ
