اوصلك وكل الوصف ينضَم وعالكل يخفىٰ
واختصرك بكلمة رَزِن والهادَئ البيّ عِفة
من احچي گدما مو سَهل بأسمك حَرف ماكشفه
وأتحذر وأخذ نَفس لاتنِعرف باللهفة
يا واهَسي وظِل الخلگ المَكتوب للمُوصِدفة
يا نَقش من أقدم عَصر مَحفور بيّ بحَرفة
ويا چويتي وآخِر دِوة مَجربهَا من أريد اشفه
جدمِي بغيابك يتَعب وأوهن خيَوط تجتفة
وأحسَاس روحِي بشوفَتك لمَسة حِزن بيّ ترفة
يفهمها المفارگ وطن والراجِع من المَنفه
إيهاب المالكي
رد مع اقتباس
