القصيده: انه المشتاگ
اداء: مسلم الوائلي
كلمات: علي الاكبر الغرابي
******
انه ذاكه البعده عايش بأنتضارك
ويذبحني انتضارك.**
وانت ذاك الماله صاحب بس زمانه
وتعيش انكسارك. **
فدوه سامحني واعترفلك من جديد
وذنبي خله عيونك تسافر بعيد

اسف عالجروح المني مولاي.
اسف لان ذنبي معطلك هواي
تجيني واني يمك خطوه ما جاي
انه بذنبي تعافيت
تمسح بيدك ضليت**بذنوبي
عجيبه المثلي وتعذره
بنيت من الدمع حضره *انه المشتاگ
****
يمتى ما متعوب اشوفك يا ابو صالح
واضيع بسؤالي
يمتى من ديره اعله ديره ما اشوفك
تخلص الليالي
ها يل امعطش عيوني شكد عليك
مره وحده امنيتي بس تفتحلي اديك
تمر يمتى اعلع باب عيوني وارتاح
واشوفك للحزن ما لآبس اوشاح
ولونك نفس لونك بعد ما راح

دمعاتي بهذا الحال
تنزل مثل الشلال * بعيوني
واخط من الالم ذكره
بنيت من الدمع حضره * انه المشتاگ
*
الليل للعاشك محطه وسافرتلك يغالي
بدمعتي
والمسافه لبين عينك وانتضاري *ملامح صفنتي
بلكت الله ويفتح للملگه باب
وتطلع احلام انتضارك مو سراب
ادورك وارجع بنفس المواعيد
لحد ما تاكل بوجهي التجاعيد
تمر يمتى واشوفك فرحت العيد
لاتحرمني اترجاك *من عطفك لو ملگاك
يغالي
يموت العاشك ابهجره
وبنيت من الدمع حضره * انه المشتاگ
***
الدنيه كله بعيني صحره وفيّ وجودك
بخيم وجودك
روحي عطشانه وتريدك ماي زمزم
ترويه إليه
انه صح ما شفتك وعشت الخيال
شلون اذا حاجيتني وكتلي تعال
يبعد المالهن غيرك تصاوير
يا ابو يوسف زمانك والوكت بير
مو يعگوب گلبي وگلبي شيصير
جم جمعه وجم مكتوب
جم مره عيوني اذوب"*بغيابك
ردت طيفك ولو مره
بنيت من الدمع حضره *انه المشتاگ
**
اسأل ومن حقي اسأل يابو صالح
عليمن دمعتك
يمتى تخلص كل معاناتي بغيابك
وتخلص غربتك
يا حبيبي لما يصح مثلك حبيب
ليش حمره عيونك وعايش غريب
حلم كون افتهم بعيونك شضام
من باب الزجيه لباب الخيام
وخاف احجي ويفز بجرحك الشام
كالولي وكلي شلون**ما ضلت بيك عيون
من نوحك
جرح عاشورك شكبره
وبنيت من الدمع حضره **انه المشتاگ