القصيدة:يابويه منا ونتهت
الرادود:مسلم الوائلي،علي الوائلي
✨✨✨✨✨✨✨✨✨✨✨
هذه الفراگ المو حلو المااريده
‏من توصل يكض گلبه واحد بايده
‏شلفايده ضاله اشتم الهوه شلفايده
‏لا والده لاابوي ضل لبيتي ضل لا والده
‏ها گلبي عافوك
‏......................
‏يابويه منا وانتهت لو الك جيه الدارك
‏كلساع يندك باب الك وايتام بس خطارك
‏بويه بعلي وياابو علي وماتنحمل يانارك
‏يالماتكفيلك سمه يم الله بويه گدارك
‏منطبر راسك ضال المن راسي
‏يااعز واحد بالعرش وبناسي
‏ها گلبي عافوك
‏___
‏لاهيه عاده ولا طبع بس هوه الحب يفوت
‏حب الله حيدر وانتهت واليحب لازم للموت
‏تخيل الموقف بالنعش صار الحسين الزيتوت
‏وتكابلو كلهم بجي وجيب اليخلص التابوت
‏واحد يگل للثاني گلبك واكف
‏هذه الفراك الصدك موش سوالف
‏ها گلبي عافوك
‏_
‏من هسه بنتك تنهضم هذه الوكت شنهو يريد
‏امر الله بس هيه المره تحتاج ابوهه بكل عيد
‏هالمره يخواني صدك صار الحجي مو باليد
‏واليحب يكدر مايحب بس المصيبه التعويد
‏هذه المعودله عله واحد صعبه
‏كل ما يطلع صوره يطلع گلبه
‏ها گلبي عافوك
‏____
‏رايح علي مو كل علي هذه الحنين المتعوب
‏والله انه روحي مدولبه مومال شلعان گلوب
‏كالولي توبي من. البجي وكلت اليحب ليش يتوب
‏مادام بعيوني بعد والدمع رايدله غروب
‏لحد يگض عيوني خلو عيوني
‏ارد ابجي حد ما ناگع تشيلوني
‏يا گلبي عافوك
‏____
‏طلعت الروح من الجسد اسهل ولا يوم فراگ
‏تتعب وتتعب والسهر تالي بصلاته وينباك
‏حي الله مانشتاگ ابد وانه نعرف من نشتاگ
‏وعيونهم ما تعرف من يلتقون العشاگ
‏عاشگ علي وطول علي وتعبني
‏جا غير أبوي وحته هوه يحبني
‏يا كلبي عافوك
‏