يحسين اعيونك توجعني وجروحك
من حزني الوادم سمعتني مذبوحك
كل ماريد ارتاح بالعاشر احلم
اصحه على صوت اصياح من المخيم
..............
كل مغرب اذبل ومن صبري ازعل
المفروض اموت باول جرح
مو مال اكابر وكل الحوافر بضلوعي ليش فوك الذبح
وحدي ببالف وتسعميه جرح الجم لو ردت اسد عيوني
نحري كل ماحنه صبره من الرماح ويستحي كل ماتشيله متوني
ياجدي ليله من ضيمي اخذي
نحري على نحرك حن ولجمي
ارحمني ساعه يحسين احلفك وابريني ذمه صبري على حزني
يوميه العاشر يحركني بخيامك
وبشيبي اركض جني ازغارك باحلامك
كلبي على كلبك والدم على الدم
ڪل ماريد ارتاح بالعاشراحلم
...........
كل ما احاول على البيه احاول
ومابين جروح الكسر
يفضحني دمعي ويلجمي ضلعي
ثاري الحزن ماينستر
مرا ذكروك وكمت بس كلبي طاح جنه دمعه زينب على اغيابك
انتَ طايح مدري نايم تستراح
وركضت الوادم تبوك اثيابك
صدرك تبده وثوبك تغرب
تتغطه بل دم خوف على زينب
ودك تجيلك وتكلها رجعي
خايف عليه ومن حالك اصعب
تحنلها وخايف ماتوصل ماتنشم
صاحت وينك ماتندل ضم الدم
حيلك على اختك راح وبس ضيمك التم
كل ماريد ارتاح بالعاشر احلم
............
يحجولي عنك الغربه على حزنك
واني العشت حزن العطش
يكلولي رمحك شياله يضحك
يم زينب وليله هدعش
الناعي كل ماينعه يحسين اختك وانكسر من جلمه ملسبينه
خزعت صدره الحوافر بل سحك وعلى زينب بلمخيم عينه
اكبال المخيم ذبحو وريدك
باربع اصابع ودعت خواتك
واجروحه تنزف والحر يزيده
كلشي اتغير بيك وضايع من طولك
زينب على التل وانتَ تنازع صاحولك
فوك الصدر ذباح ونحرك تهشم
كل ما اريد ارتاح بالعاشر احلم
.............
عشت انكسار وغربه قارارك
من طاح ابو فاضل امس
واليخله ضهره خطواته عثره
وعيونه توجعها الشمس
الغربه من يطيح اخوك وتعتنيله ومايعرفك عينه ماهي اتشوفك
انتَ ياهو يكلك وتبجي على اديه من حضنته تنفس من جروحك
كل هذا بيه وكنلتني وحده
كل ماتودعه ترجع تكعده
تكض ايدك وتكله ضهري
موتك كسرته وتبجي على خده
زاد الضيم بضيم عليه وماكابر
ولاسامع زينب مسبيه بالعاشر
ثاري الحزن مرواح ويذري بل هم
ڪل ماريد ارتاح بالعاشر احلم
.............
كل مغربيه اسئل عن عمتي التل
ذاك الضياع وين المفر
ويكلي عنها من كد حزنها
صعتدني وضهري انكسر
نزلت اركض علر اخو وكلشي خيل فاضت من عيوني حتة جروحه
طلعت وهذا الحجي غروب على ليل وجلمة طلعتن تطلع الروح
لو عمري كله انحب عليها
مايوفي دمعي خطوه بسبيها
ستر الهواشم بخت العشيره
احبال واثر دم باقي على اديها
بيد ام عون الضل من نحرك بس دمه
كل ماردت تشتم عطرك تشتمه
كل ماتشوف ارماح ياخذها مأتم
ڪل ماريد ارتاح بالعاشر احلم