القصيدة: بعتابك سامحني أداء: مسلم الوائلي
كلمات: علي الأكبر الغرابي
~~~
يوميه ارسمك سالفه وذكره
شو مختلف بالصوره هالمره
يطلعلي واحد منگطع نحره
يبويه .. يبويه
~~
اول مره بهاي الصوره
شفتك بس شفتك مفطوره
مو وجهك ذاك ولا نوره
.. بويه حسين
گتلك ها يالغالي شلونك
ليش الدم مغير لونك
بالصوره وغمضت عيونك
.. بويه حسين
شيباتك .. شيباتك
الدم صابغ شيباتك
ومتعوب هواي
نظراتك .. نظراتك
يا بويه ونظراتك
تحجي اعله الماي
من شفت كلشي بوجهك تغير
سومرت عيني من الدمع واكثر
حته النفس بالريه يتعثر
يبويه .. يبويه
~~
رايح بس عايفلك ورده
فوگ ارموشي الشيب اتبده
يالمالك لبنيتك رده
.. راح تموت
مو بس جفوفي اعله الملگه
بكل خطوه محضرتلك شهگه
والمعلوله بهاي الفرگه
.. راح تموت
سامحني .. سامحني
بعتابك سامحني
ما ظلت عين
ذابحني .. ذابحني
بسهامه ذابحني
فراگك يحسين
معقوله اموت ودمعتي بعيني
معقوله نار الفرگه تجويني
سيف الهجر ذابح ضوه سنيني
يبويه .. يبويه
~
ما بينك جان وما بيني
سهم الغربه ودمعة عيني
كون انت البصوره حسيني
.. احجي وياي
احجي وياي شويه شويه
وطفي النار التاكل بيه
لا تكسر گلب العلويه
.. احجي وياي
مشتاگه .. مشتاگه
لعيونك مشتاگه
وبحالي شصار
اشواگه .. اشواگه
بالمفضوحه اشواگه
ما تطفي النار
ما تطفه نار البيه ما تطفه
ولا جرحي ذاك بغيبتك يشفه
ويا جفن هذا يسلهم ويغفه
يبويه .. يبويه
~~
اول مره بهاي الحاله
شفتك وحساسي تراواله
صدرك ملعب للخياله
.. يالمذبوح
هذا الموقف شدني الموقف
مامش رايه وفوگاك اترف
شو بالصوره ونحرك ينزف
.. يالمذبوح
من هجرك .. من هجرك
اتأمل من هجرك
ترجع وارتاح
بس نحرك .. بس نحرك
من شفتك بس نحرك
شايلته ارماح
بالصوره وامسح دمك الغالي
وحاولت الوحك والرمح عالي
ومديتلك جفي ورجع خالي
يبويه .. يبويه
~~
غمضت عيونك من شفتك
غمضت عيوني و ودعتك
يالخلصت بالطف سالفتك
.. بس جروح
انه المذبوحات احلامي
انه العطشانه اعله الضامي
انه الما شفت من ايامي
.. بس جروح
دمعاتي .. دمعاتي
يا بويه ودمعاتي
مثل الشلال
حسراتي .. حسراتي
ضليت بحسراتي
ومامش مرسال
بجلمت الوينك خلصت عمري
وشديت من ذاك الدمع صبري
ولأحلامي ما ترجع بعد ادري
يبويه .. يبويه
°°°°°°°°°°°°°°°°°°°°°°°°° °°°°°°°°°°°
رد مع اقتباس