القصيدة: حلمي جان أداء: مسلم الوائلي
كلمات: حسن الترابي
~~~~
حلمي جان .. الموت اذا سكت ونيني
يغمض العباس عيني
حلمي جان .. توگف اهلي اعله الجنازه
عازتي لخواني عازه .. حلمي جان
مثل الشمس غاب حلمي ويه الأحباب
حلم حلم
~~~~
عيوني عالباب انتجن وانتظر جيت ضعن
بي عباس بظهر حسين
وينشد النجمه بقهر گلبي ويدور گمر
ويگلي اهلج زينب وين
يا گلبي كافي ولم العتاب
متانيمن وعينك عله الباب
وتراب غطه احبابي التراب
ميتين اهلنه وموش غياب
سدي العيون ما يردون وبطلي الونين
كل الاحباب جوه التراب حته الحسين
يا زمان .. الماتت برجوة املها
تحيه من ترد اهلها
حلمي جان .. توگف اهلي اعله الجنازه
عازتي لخواني عازه .. حلمي جان
يا جرحي ما طاب مثل الشمس غاب
حلم حلم
~~~~
يهمس بگلبي جرح شما اغمض ينذبح
نحر حسين اگبالي يصير
هنا سهم وهناك جف ذاك ابو فاضل نزف
حد ما مات ومات الخير
داس اعله صدره الرايح وجاي
عطشان ويون لخته بهداي
وفاي اخوي هواي وفاي
ميت عطش وبجربته الماي
بجربته الفيض وسومر الغيض الخيمتي اندار
للخيم عين و وحده الحسين بينه محتار
بيا مجان .. زينب ويا تل خذاها
تمشي بعيونك وراها
حلمي جان .. توگف اهلي اعله الجنازه
عازتي لخواني عازه .. حلمي جان
تعبني العتاب مثل الشمس غاب
حلم حلم
~~~~
اذكر ايامي واحن ونكسر كسرت غصن
ما ظل كلشي من اهلي وياي
ذبحو اگبالي العشگ وجملت خيل السحگ
جرحه وبدوا يمه الماي
يا گلبي تحمل ظيم جندوب
وحسين فوگ الغبره مگلوب
شفت العزيز مسلب الثوب
محد سترنه بذاك الغروب
عطشوه حيل وجابو الخيل تسحگ عليه
يومي الي جان يگلي عطشان بيش ارويه
جان أمان .. لهله ومدلل بناته
جتفوا بالطف خواته
حلمي جان .. توگف اهلي اعله الجنازه
عازتي لخواني عازه .. حلمي جان
شفت الصدر ذاب مثل الشمس غاب
حلم حلم
~~~~
كلشي يوجعني وحس وگفتي اعله التل امس
سلبت من اجدامي الحيل
شفت اخوي بلا نحر گام اليه وما گدر
ودنه عليه ويه الخيل
گتله التهي بجروحك ونام
يحسين ما توصل للخيام
بس منحر وما عندك اجدام
وخيل اعله صدرك فوگ السهام
عالرمل نام وانه للشام أمشي يحسين
مهنه بالنوم ودري ملجوم من الونين
خويه حان .. وداعك وگلبي جرحته
يمك احجي وانته سكته
حلمي جان .. توگف اهلي اعله الجنازه
عازتي لخواني عازه .. حلمي جان
غطاك التراب مثل الشمس غاب
حلم حلم
~~~~
يا گلب لا تنتظر محد بزينب يمر
لا تنشد وين العباس
يا حلم هد الجفن عيوني تعبها الحزن
والليله تشيعني الناس
اعله اجتاف غربه الليله تنشال
يهلي الجنازه والگلب مال
ميته واحس بجفوفي الحبال
هاي السبيه بظهري تنگال
موتي يهواي ارحم هواي من الفراگ
يهلي يفياي شما شفت ماي ليكم اشتاگ
كل مجان .. يرسم اهلي ويه الحوافر
كسرت ضلوع وخواطر
حلمي جان .. توگف اهلي اعله الجنازه
عازتي لخواني عازه .. حلمي جان
يهلي العگل شاب مثل الشمس غاب
حلم حلم
°°°°°°°°°°°°°°°°°°°°°°°°° °°°°°°°°°°°°
رد مع اقتباس