حزن يشرب حزن والليل نفس الليل
ونفس جرح الأمس بالروح يتّـمشى

شربنا كاس هجرك مابقالنا الحيل
وضحكتنا بغيابك مـاتت بـغِـبشه

نواطير السهر جارت تدير الويل
وجمر ذاك الخذلان بمهجتي فرشى

صفت روحي مثل روجة جفاها الميل
تلوج ومن قهرها تـريـد بـس تـرشى

غفّت كل الخلائق والوجع ما شال
وبقيت لوحدي أسهر والدمع جفّـشه

أصبر بالگلب وأگول هسة يـهـون
وثاري جروح هجرك بالگلب عِرشة

ندور بيا محطة تـسـتـراح الروح
شما نمشي بدربنا نـلـتـقـي بـوحشة

رضينا بالخسارة وگـلـنـا فدوة تروح
بس كون النحبه يـطـيّـب مِـمْـشـى

وصلنا لمرحلة حتى النفس به ويل
وصرت جثة وعليها الوجع يتّـفشى

جرعنا المر لجن ما فاد هذا النوح
مثل ميت بغربته وضيعوا نعشه

بعد يا ذيج روحي الما بقالها هدوم
تغطت بالچفن والهم لِـفَى عليّه

صفت روحي يتيمة ومالها كفيل
مثل طير بظلام وضيع العِـشّـه

أنا المحتاج اشوفچ والعمُر ذبـلان
مثل سبع السنين الما شفت رِشـه

تعالي وعمّري هذا الخراب البيّـه
قبل لا يگضي عمري وتنگطع ريـّه

تعالي وشوفي حالي الشوك وين وداه
أموت بفرگتچ لو طالت الجيّه

صفى رسمچ يحاچيني بوسط حلمي
وأفز مرعوب أدور لچ أثـر بيّـه

أنا بلياچ لا ضحكة لا طاري
وحيد بغيبتچ والهم جِـثـى عليّـه

أموت وعيني تربي وتنتظر ملكاج
ردي لروحي روحي ولا تمت بيه




بقلمي لآ غير