أكو حاضر/ ما تشوفه!
وما تعده ... اويه النفير,,
.
واكو غايب / ما تعوفه!
اتشوفه بعيون,, الضمير..
ممكن اتشوف الضرير ..ايدلي بعيون البصير !
والبصير الكَلبه أعمه ,, ايصير بالدنيا الضَرير!
الدنيا ما خربت ولكن ,
وادم /اتخرب المصير!!
.
وبعد تزوير الحقائق
ايصير الاول بالاخير!!!
.
وجي سكتنه اعله المظالم ,,انفتح / باب السعير!
وصار ذاك الجان خاتل/ يحكم ابدم الفقير!!
(الحاء والباء)
احله كلمه
ابكل قواميس البلاغه// ماتلاكي الها النضير!
وكلمة ال حب / الصغيره!
حلوه بالمعنى / الكبير!!
لكن ابكسر الخواطر /// اجو ميتين /// الضمائر
خلوا (الراء) ابوسطها / و حرب خلوهه تصير!
ح رب خلوهه تصير!
حرب خلوها /// تصير,,
حسين االساعدي