چان أحد الشيوخ عنده بنيه وحده وجميله جداً هاي البنيه تحب الگهوچي اليشتغل عند أبوها وهذا الگهوچي أسمه((شال)) وتعرفون الشيوخ مايزوجون بناتهم الا لشيوخ فصارت قسمة البنيه لأبن شيخ آخر ،، البنيه أنجبرت أن تقبل لأن مايصير تخالف كلام أبوها ،، فمن سمع ((شال)) بقبول البنيه رحل عن الديره . فصارت القسمه وأتزوجت وصلت الزفه لبيت العريس وأنتهت مراسيم العرس فقامت أم العريس بإحضار العشاء للعريسين ،، وبعد الإنتهاء من الأكل طلب منها زوجها أن تصب الماء ليغسل يديه وقع منها دلو الماء وصاحت يا((شال)) . وهاي معروفة عند أهلنه قبل إذا صار شي عدهم يندبون بأسم شخص عزيز عليهم فسمعها زوجها سألها منو هذا(( شال)) ماقبلت تقول المهم أنطاهه البخت والامان فحچتله كلشي . من سمع السالفه گال راح أروح أدور على(( شال)) وإذا لگيته راح أقراله بيت أبوذيه إذا كمله فأنت ِ بعد تحرمين عليه وآنه أزوجك بأيدي أله . ((شال)) . فراح ولگه شال گاله أنت ((شال)) گاله گول أخي ،،، فمباشرةً قال زوجها :
سرى ضعن التحبه بليل . يا شال
ومن حـزني دموع العين . يا شال
قال له كمل يا شال :
فقال :
سرى ضعـن التحبه بليل ... يا شال
ومن حـزني دمـوع العين ... يا شال
حبيبي شطاح منه وصاح . يا شال
أعـرفنـه … وفـي … وذاتـه … أبيــه
منقول!
رد مع اقتباس
