الدقيقة الثالثة || طرف للخير || الشاعر ايهاب المالكي
اذا لا سامح الله بيوم وتروح
وصلنا بسيف زعلك لا تگطعة
واذا رديت اصير گبالك اثنين
المزعله وطرف للخير يسعة
مو خط رجعة احط الخاطرك
لااحط الخاطرك خطين رجعه
جا هي المحنه تبين منين؟
ترى مو بالحجي اليمك تسمعه
لا هذا اليحن الشوفتك غير
يطفه بغيبتك بالليل شمعة
وشما تكثر الناس الحواليه
تعرفه من الحزن من بين ربعة
اليحبك ما يگلك بالزعل روح
واذا يقسه بنظرته تشوف لمعه
واذا يگطف عليك حجايته حجار
يموت وجام گلبك مايصدعة
رد مع اقتباس
المشاركة الأصلية كتبت بواسطة ثامر الحيدري
