هنا

[اسير الروح]

نذر لو جيت لأضمك ضمة ترد العمر البيوت
وأنسي عيونك الغربة بدمع من الفرح يموت
يالمسافر بغير وداع جرحك بالكلب ما هان
بقت بس ذكرياتك توجع بروحي وبچت حتى الحيطان

لي

[روجـيـنـا ♡]

كون كايلي من الاول ما ادوم
جان ما جبت العمر كله انتظار
انت حليان بغيابي وانا وين ؟!
وجهي صاير هيمه من كد الصفار
ليش تحضن غيري مو تدري اموت
امي من تحضن اخواي كبالي اغار

[روجـيـنـا ♡]

ما طايب بعدني يصلن اعضامي
وبعدني من الدمع ما يابس لثامي
ولا اكدر اعوفك لا اضل وياك
لغم دايستك جدامي
.
.

[روجـيـنـا ♡]

محد يشبهك بعيني
وما رجف گلبي اعلى غيرك
وانا جنت اكدر اخونك
بس ضميري ما سمحلي
عكس ما سوى ضميرك
انت كاتلني بغيابك
وباجر بيوم القيامة تنسأل عني شتجاوب ؟
وانا جنت وياك اسيرك
من رحت مو من اسولف
والله من اضحك تكضني الوادم وتسألني خيرك ؟
.
.

[روجـيـنـا ♡]

شارد من الناس بعيونك دخيل
مختصر حزني الطويل
انطيني فرصة اتنفسك وانوب غيب
اعترفلك انا كتالي الرحيل
.
.

[روجـيـنـا ♡]

جارحني لا مو عن قصد بس المهم جارحني
بغيابك اتنفس عتب لو عاتبت سامحني
سهمك يدك ويا النبض ما يقبل يبارحني
نايم اون كاعد اون
وتزاعلن جفن وجفن
والله انا ذابحني الحزن
هلبت تجي تفرحني
.
.

[روجـيـنـا ♡]

توادعنه وبچينه وغربه ردينه
ومثل موادع العميان
محد شاف ياهو اكثر بچت عينه
وحبسنه دموعنه وبينه مكسورين
بيض گلوبنه يبين الجرح بينه
لهسة اعلى الصور والذكريات نعيش
طيبين شينسينه
.
.

[روجـيـنـا ♡]

طبينه الحرب واحدنه يطوي الكاع
ومن شفناك واكف ايد ماشلنه
جمعنه سيوفنه وردينه مو من خوف
جي شفناك واكف بالحرب ضدنه....

واذا لا سامح الله وياخذك تفكير
وانت بنص حرب وتروح من عدنه
ما نرجع لاهلنه بخير الا.... نموت
اذا مو بالحرب موتك اليكتلنه

[روجـيـنـا ♡]

خليك طيف يروح لمنزلي
و خليني طير يغرد بمنزلك ..

- صاحب الضويري

[روجـيـنـا ♡]

يُمر طَيفك يناغيني
ويردني ردوّد وادري
الطَيف ما يَنجاس
اگود السَهر بـ عيوني
وترَد الـ ليش بيهَ تعيّل
واتمناني دوَن احساس .