خطية انتَ تراقِبني ،
وتظن ذيج المشّاعر ،
باقَية لهسة ،
مَاتدري الگبل عفته ،
دفن گلبة ودفن ودّة .
خطية انتَ تراقِبني ،
وتظن ذيج المشّاعر ،
باقَية لهسة ،
مَاتدري الگبل عفته ،
دفن گلبة ودفن ودّة .
لو تحب لو ماتَحب
هيَ وحدة مِن ثنين
تاركني وَسط الدَرب
توعد الَك سنتين
حتى بعذابك عذب
بس الصبر ليوين ؟
لو تحب لو ماتحب
هَي وحدة مِن ثنين…
ما أجيَك !!
أَخَاف مِن فكرَت رَجعتي
خَاف مَا الگه بگلبَك حَنِين
نَاسي مِن گتلَك أحَبَّك؟
وأَنتَ گِلت تچَذبين
وجَاي هَسه تعَاتب بَـ مَاتَجين؟
عفتَك أَنِي وبيدِي هَديت الإِدِين
أكبَر مِن أحلَامي أشوفَك
حِيرتي المّا يَمهَا حِيرة
قانِع بكلشِي يَخصك
وأبـَد مَا مَحتاج خِيرة
خَشن گلبِي ومِن عرَفتَك
بَين لطبَعك حَريرة
منِين مَا تِندار أحبَك
بَحر ويَحاوط جَزيرة
يَاطُموحَاتي الاخِيرة
ويَا مُعَاناتي الچَبيرَة
ألمُهم حِبني أعَلى مُودك
وَين تِلگة إنسَان مثلِي؟
حبَك بگلبَة وضَمِيرة
وَأنتظرتَك
بِين صَفنَات الليّالي
وبِين لَچمَاتِي وحَسرتِي
وحِيرتي وكَسرة الخَاطر
وبَين مَدرِي
وَين صايَر؟
وأنتظرتَك هلبَت تمُر بيَة طَيف
إيضَمضُم دمُوعِي أعلّى بَاچِر
انا بنص الحرب
چي منطي كلمة وياك
نمت ويَالجثث بعيون مفتوحة
نمت ويَالجثث ماخفت وهتزيت
خفت من گتلي كلمن يلتهي بروحة
..
عودتني عليك
والمحروم مو مثل المعوّد
عودتني عليك
وشيصبّر إبنادم لو تعوّد؟
من نگعد سوة
تذكر گَبل ..
من چنة نترك مسافة
من الخجل
واصعب فعل
اذكر چنت
لمن عليك اتدنة
عشرتنة حلوة وبلضبط
تشبة اليگعد بلمطر
وغمض عيونة وغنة .
الما يندّل خيَالي بروحَي ما أخليَ
وما يرهمّ عليه لو نِفس جيته
التعداني بحِلم يلگاني عابُر ليل
الفجر گبل الشمسّ بعيوني وشلته
الما يشتاگلي ينترس حضنه فراگ
على الملگه من أسَولف ما تذكرته
بيها وداع روحي يكفي كل الناس
وخسرها الجان ضنة الروح خاسرته .
- عليَ رِشمّ .
ياطعم
ياليلة
من ليل
البنفسج
ياعذر
يامامش بمامش
وأحبك
طبع كلبي من أطباعك ذهب
ترخص
وأغليك
وأحبك
مظفر النواب
رد مع اقتباس