جيبولنه ام شاكر او فدعه
"وصلنا اَمحال النجف بالليل
ومهدهد الحيل
وصورّ امسطَّرة وتهدهد الحيل"
او كَعدو امَّهات اولاد تسعة
او حطوهن اوياي ابخرابه ونشوف ياهو خوش ينعه
صفيت مره وي عجوز
وبرايهه اعليّه تفوز
تعبت وكالت يمه كَوم
​بطل بواجي مايجوز
حبوبتي كَوّاله كَشره
ودموعها 10 اعله 10
بس ركَّضتهه امن البواجي
كَالتلي كَلبك فلك طرّه
راسي عالمغربين مشخوط
وبوّشي دمعي راس مخطوط
ليليه ولكم جا انه مجلوط
وضلوع كَلبي ضاله اتروط
امجبلينِّي اتشاهد او مسدوح
بمغيسل انه او عدل مطروح
لاطلعو امن الراس الاعزاز
ولا الله مني امطلع الروح