اذا جنحك عَلاَ
لتشوف حجمي زغير
الغابة شگد چبيرة
بعود تشعلها
تصح بيها گصص
ما تعرگ من العيب
وتصح بيها گصص
بحجاية تكتلها
و اهي خضرة
گلتله اعدلها خاف تطيح
من يبست الگاع
يريد يعدلها
أضربلك مثل
و احكم عَليَّ بهاي
أكل جدمي الرمل
وأدري المسافة تطول
گمت اوگف واطيح
وگلت اكملها
لأن ودوا أمانة
بچفي حفنة ماي
نَگضني العطش
ما دنت نفسي اعليه
گمت أبلع بريجي
وگلت اوصّلها
إذا عزة نفس عندك
تفوق الناس
و اهي شتلة
شوكت متريد تشتلها