هنا

[ارجع يازمان]

عطشت ادروب المدينه
من مرازيب ابسلفنه/// اتزاعلن وي غيمه سوده
الخوفت عصفور / راد ايمر علينه!
لاجله ضحينه ابزرعنه///وهو من شاف الزرع معدوم
قرر ما يجينه!!
وما درينه
الصار كله من ادينه!!!
ابواهس امعزبين جنه /// ورغم ما ندري المطر ما يعتنينه!
وجنه غشمه /////
بالعشك نترس > كلبنه
وماكو رجعه > لو هوينه
جنه عدلين ابسلفنه///وطيبة الميتين بينه!!
ويوم ما صارت سوالف/ وبالموافه اتبارزينه
سولفوا جلمات ما الهن حقيقه///
وصدكينه!!
ومن حجينه جذبونه
لان بحجاية صدك
يمهم حجينه!
وما درينه///
الدنيا تهوه > الوكحه عينه!
جنه غشمه
بس على الزينات نركض// وما تهمنا الماهي زينه!
همه يمشون///
وركضنه
وبالركض/// ما لحكينه!!
الضحكه مسجونه ابسلفنه// والسجين الله اليعينه!
وحاولينه > الضحكه تطلع//
حتى ناخذ صوره بيها
وخاطر ابكل المواقع/// ننشر الضحكه الرزينه!
ودورينه / ومالكينه/
ابهذا واقعنا محامي/ ايطلع الضحكه >السجينه!!!
وهاجرينه///
وكلنه بلكت نلكه صدفه/ تمسح الدمعه الحزينه!
ورحنه عاشرنه النوارس///
وصرنه من ابعيد نشتم/// لهفة أشواك السفينه!
وصرنه نفهم حتى همسات النوارس/// واشكثر يحجون بينه!
وما درينه///
النورس ايشيل الضغينه!
وهاكثر حاقد / علينه!!!
.
ايكول عن البشر غادر
وبس عرفنه /// أمنينه
.
ابسرعه راد ايصير تاجر
ايبيع بينه/// ويشترينه!
ايبيع بينه /// ويشترينه!
حسين االساعدي