لا طبعا الي يجي من المحبة احسنالمشاركة الأصلية كتبت بواسطة أمير الأحلام
اختي الكبرى جانت تكسب احترامها مني بترهيبي وفادها هذا الشي لفترة طويلة لكن اول ما اشتد عظمي بديت اعاملها باللي تعاملني بيه فقط ماكو احترام اذا هي ما تحترمني
لكن اختي الي تليها عاملتني باحترام دائما من انا وصغيرة كبرت على اني احترمها دائما حتى وان صار بيناتنا خلاف لذلك افضل الاحترام الي يجي من المحبة
وايدج عينايالي يجي من الخوف هذا احترام موقت يروح مجرد ما الخوف يروح او من خلفك ما يكون اكو احترام بس كدامك
اما الي يجي من محبه بعمره مراح يروح
ام عن نفسي الاحترام لا يجي من محبه ولا من خوف يجي من ذات الإنسان يكون متربي على هذا الشي او البيئه المحيطه صنعت منه هيج
اني عشت ويه هواي ناس ما يستحقون الاحترام بس احترمتهم والى الآن اني احترمهم حتى ما الوث نفسي وأفقد قيمة نفسي
حبيت الموضوع عاشت ايدك امير
اتفق وياج مية بالمية اكو مصدر ثالث اقوى من الخوف والمحبة
فعلا الاحترام ينبع اولا من ذات الانسان والدليل اكو ناس يتمادون حتى وي اللي يحبوهم ويجفصون ببطنهم رغم انو المحبة موجودة
لذلك مو دائما المحبة تنتج الاحترام
ومثل ما كلتي الاحترام الناتج عن الخوف وقتي وزائل بزوال الخوف
كلامج مضبوط وهو دليل اخر على انو الاحترام الناتج عن الخوف مؤقت
هسه رتبناهن كالتالي:
الاحترام الناتج عن الذات
ثم الاحترام الناتج عن المحبة
ثم الاحترام الناتج عن الخوف
طبعا جدي الوحيد الطار وراي اني وطوبتي بسجينته الجديدة هذا شاذ عن القاعدة ليهسه احترمه واخاف منه
اتفققققق
كان عندي مديرة تعاملنا بألطف ونسولف وياها كانما صديقتنا فمرا سالتها انت ليش تتعاملين ويه موظفينج بهاي الطريقه مو بجديه
جاوبتني اني أعاملهم بهاي الطريقه لان اريد الكل يشتغل بحب مو خوف اريد الكل يشتغل بدون ما يخاف
اني اكدر أعاملكم بجديه بس راح تكرهون المكان ومراح تقدمون مثل هسه بحب
عاشت ايدك
زين سؤال اخر متعلق بالموضوع:
اذا كنت انت مدير شركة هل تفضل تكون محبوب لو مهاب؟
هنا ما نكدر نتركها لذات الانسان لبان المدير لازم يتبع نهج معين
شنو مصدر الطاعة اللي تحسه مستدام اكثر؟
ومستدام مو شرط تعني دوام علاقاتك الانسانية مع الموظفين
اوكي هي تشمل علاقاتك مع الموظفين لكن تشمل بشكل اكبر استمرارية الشركة او العمل بوجه التغيرات والظروف الخارجية والداخلية
اقف هنا دهرا...كلمات اختزلت مشوار كامل .. نبهتوني لنقطة دوما اذكرها لابنائي اكوللهم من يعلى صوتهم عليه لو على أحد
(الاحترام اهم من الحب، الحب يهرب من قلة الاحترام لذى محد يحب أن يعامل بطريقة سيئة لذى اقدم الاحترام على الحب )
يمكن خلال نقاشكم غيرت فكرتي عن الموضوع جدا.. ممتنة لهذه الالتفات و الوعي
