هجرتُ بعضَ أحبتي طوعاً لأني * رأيتُ قلوبهم تهوى فراقي
هجرتُ بعضَ أحبتي طوعاً لأني * رأيتُ قلوبهم تهوى فراقي
عوفكم من الغدرات الغير مبررة ما عندكم سالفة اي شي لان الارق ذبحني والملل
انا عندي الج سالفةالمشاركة الأصلية كتبت بواسطة النسرين
اذا سالفتك تتضمن اني اروح انام لست من المستمعين لكن اذا غيرها ف اني اول الصاغين
يصير نسولفها بالهمسات
لو إلا هنا بالموضوع .
لا ما راح اكلج روحي نامي تطمني هههههه
بس عندي الج سؤال
انت مرة كتبتي اخر كتاب قريتيه هو مرتفعات وذرنغ
ما تكليلي شلون كملتيه؟
اشو انا بالكوه كملت ثلاث ارباعه وشمرته
مع العلم مو من عادتي ما اخلص الكتب
لكن ما شفت بي اي فكرة ولا مغزى ولا حتى تشويق
شلون جرعتيه ما تكليلي؟ وليش من وجهة نظرج محصل هالشهرة هاي؟
انا اشوفها شهرة غير مبررة
والله قريته اكثر من مرة والحيت على نفسي بالامر حتى اشوف النقطة الي اعجبت الكل وحولت للفلم وشفته اذا ما خانتني ذاكرتي 4 مرات او خمسة
اكو هواية كتب احسن منه ومن نفس الgenre واذا احد طلبني باقتراح ما راح انطيه مرتفعات ويذرنغ لكن ممكن الي مثلا يدرس لغة انكليزية يشوف بيه معجزات لغوية او ما شابه ف هذا شي ما اعرفه بعدني الكتاب اقيمه 5 من عشرة
بس كتاب واحد ما يعني كل اعمال الاخوات برونتي سيئة بالعكس جين اير من ايميلي برونتي كلش احبها صحيح اجواء روايتها كلش gloomy لكن تستمع بيهم اذا قريتهم بالشتاء
يعني هم زين الخلل مو بذائقتي انت هم تشوفينه ما يستاهل كل هالضجة
بس انا حتى خمسه ما انطيه
انطيه اثنين بس وهالاثنين لخاطر هاي المربية مال كاثرين
نسيت اسمها جين مدري جيني مدري شنو
لان خطيه متحملتهم كلهم وكلساع يشمروها ببيت وكلشي يصير اول وحدة تنلام هي
كتاب مستفز
جين اير حبيتها جدا
رواية ممتعة ومشوقة عكس مرتفعات وذرينغ تماما
