عزيز عسكر



البارحة أشتاگيتلك حيل
ونيتلك حد ما بچى الليل
حزنك كسر ظهر المواويل
ومن دلّتك فاض الوطن هيل

كل يوم أطب للبيت زعلان
وأنشد عليك فلان وفلان
شمسك طفت والخوف سجّان
صفنة غريب بعينها انسان

البارحة بچيتني هواي
من گتلك وما گمت وياي
دمعت روحي وخضرت ماي
بهداي اصيح وصيح بهداي

ياللامنا لَم التصاوير
اعلى اغصانا بهجرك ولا طير
يا خبزة الله وناس من خير
يالمنك تخاف النواطير

يـ أهل الگبور أرسومكم وين
خربت صدگ ما صارها سنين
هذا التراب مخرب الطين!
طفكم حزن وعيونه حسين