ارید انشد وادگ اعلی الصدر یا اخوی
الابوا خیمه او بخت والساتر اعیــاله
جرعت مای یروی البلفلک عطشـان
الابوا دیوان گعده او گهوه و ادلـاله
***
الابوا مهیوب عند اهل الکرم والجود
الابوا بکتاب ربنه شعّت انـــــواره
الابوا تحت التراب او صیته بلدیوان
الابوا صاحب کرامه او گعد خطـاره
***
الابوا شمسیه فوگ الراس للطیبین
الابوا کلّه محنّه او یجرن ادموعــه
الابوا ما نام لیله او لا نهاره ارتــاح
الابوا لو شاف عیله امخدره ابلوعـه
***
مثل لفته الدخل و الرحم عند الضیف
اسباع اولاده و الواجب نواسیهـــم
اویاکم یا اهلنه واگفین ارجـــــال
هذول اهل العلم والفخر مس بیهم
***
الحگ الکم یخوتی لو حزنتوا اسنین
ابوکم ساعد الکم والگلب نیشـــان
الو جرّن دموع السایله بفــــراگ
ما یسگن البسمه من گلب عطشان
***
ما یسمح زمانی او عرگلانی ابسیف
اجینه الیوم بلخوه نعازیکــــــم
حی اعلی الصلاه و امعزب الخطـار
گصدنه البیت ابو الغیره او نواسیکم
رد مع اقتباس
