القصيدة: علي مولاه أداء: مسلم الوائلي
كلمات: سيد رضا البوشوكه
~~~~~
نبض دلالي .. علي
تظل الوالي .. علي
ملكت احساسي .. علي
حبيبي الغالي ...
~~~~~~~
يالمرجع الشمس يا اغله إنسان
يا أول شخص كل حجيه قرآن
علي ولولاك ناقص ظل الإيمان
ليهسه وعلينه تمطر إحسان

تعيش بروحي .. علي
طبيب جروحي .. علي
شريج انفاسي .. علي
حبيبي الغالي ...
علي .. مولاه .. علي
~~~~~
ابدايات العمر بسمك تنخيت
علي وجانت اصورك تارسه البيت
زغير انه وعله حبك تربيت
الحمد لله غديري من تسميت

اعله طرف ألساني .. علي
سره بشرياني .. علي
يرفعت راسي .. علي
حبيبي الغالي ...
علي .. مولاه .. علي
~~~~
عله ذاك المهد امي العفيفه
تلوليلي وتوصيني الشريفه
يبني اوصيك عوف اهل السقيفه
واقبل بس علي شيخ وخليفه

شفيع ذنوبي .. علي
يظل محبوبي .. علي
شرف نوماسي .. علي
حبيبي الغالي ...
علي .. مولاه .. علي
~~~~
علي بطوگ الذهب لو طوگوني
انطوني الدنيه كلها وخيروني
علي وهيهات منك يشتروني
انه واهلي احبك لگوني

صرت مجنونك .. علي
اموت بدونك .. علي
فخر كل ناسي .. علي
حبيبي الغالي ...
علي .. مولاه .. علي
~~~~
العقيده بلا علي شنهي العقيده
وطن مابي علي فاهي نشيده
علي السابع سمه مرفوعه ايده
ولهذا السبب صرنه عبيده

شحلات حروفه .. علي
ابد ما اعوفه .. علي
رفع مقياسي .. علي
حبيبي الغالي ...
علي .. مولاه .. علي
~~~~~
هويتك وافتخر حين الهويتك
لگيتك بالگلب عايش لگيتك
نسيت الدنيه كلها وما نسيتك
وعلي تحضرني كلما حشميتك

رسم بعيوني .. علي
حلات جنوني .. علي
هوا انفاسي .. علي
حبيبي الغالي ...
علي .. مولاه .. علي
°°°°°°°°°°°°°°°°°°°°°°°°° °°°°°°°°°°°