القصيدة: يا فرج الله
أداء: مسلم الوائلي
كلمات: محمد الزيدي
~~~~~~~~~~~~~
يا فرج الله .. يا فرج الله
~~~
يالجدك داحيها وبزلامهم غاص
خيبر طال لسانها ولازم ينگص
عجل واشهر سيف بوجه الظالم
يا وعد الله المثبت قرآن ونص

گوم .. واكشخ بجفيتك
گوم .. خيبر متانيتك
هاي .. مالها حل غيرك
ناس .. رجفاهم صيتك

يمن جدك خورس محاجيها
منو غيرك يگدر يهد بيها
شمسهم تتشمت يبن حيدر
تعال ورجعها لسواجيها
~
اطلب صارك وبعباس تحزم
العايل بانصارك خل يتندم
دم الساده يصيحك گوم افزعله
رد العيله بعيله والدم بالدم

وين .. يا جبير الساده
وين .. دم يريد مراده
عون .. رايدين جنودك
يا .. قائد اعله القاده

القتل عاده والينقتل رابح
مشو ناسك صالح بعد صالح
نهوس جندوب بجفافيهم
اخذ حيفك جر سيفك المالح
~~
بقرآن الله نذكره واهل المنكر
مرتين الهم يعلون واكثر
ذلاهم جدك مره ومره انته
راح تذلهم بيدك لمن تظهر

يوم .. طلعتك ننتظره
يوم .. تصادف اعظم ثوره
الگاع .. والسمه المبنيه
تصير من دماهم حمره

يعرفونك زين ويهابونك
يمُرّ يالما گدروا يضوگونك
بده بيهم جدك واخذ حيفه
نهايتهم لمن يلاگونك
~~
يالعندك ثوار بدمهم رتل
تخضع للموت وما تخضع للذل
عشاگك يا غالي تريد عيونك
لخاطرهم ولخاطر حبهم عجل

حوك .. غيره دمهم فاير
حوك .. زلم تشفي الخاطر
حيل .. اشتاگوا لريشاتك
شوگ .. بيهم ولا صاير

تعال وطب للمعركه بيهم
مثل مالك بالعركه تلگيهم
بحلگ لبوه زلمك اذا فاتوا
يسحگونه ولا ترجف ايديهم