القصيدة: يابو فاضل
أداء: مسلم الوائلي
كلمات: محمد الموسوي
~~~~~~~~~~~~~~
يبو فاضل ... يبو فاضل
~~~~~~~~~~~~~~~
يابو فاضل سلمتلك شوف عيني ونوحي
جي لگيت جروحي منك گمت أحب جروحي
حته ما احجي ويه غيرك راح أزاعل روحي

يا عباس بصاية الله وصايتك
تسوه الناس هاي رفت رايتك
عالشباج كون انسه عيوني
وطلع كون ميت من زيارتك
~~~~~~~~~~~~~~~
ضگت من عشگك المر وگلت حلوه مرورتك
گعدت رسام يمي وردته يرسم صورتك
راد يبدي من الحواجب ونجوه من حرورتك

منها وگام شكو شارب گاعد
والرسام ركض ركضت شارد
والدخان طالع من أوراقه
راسك حار ما يجهبك واحد
~~~~~~~~~~~~~~~
ابو فاضل شاف بير وكضه بيده وشاله
وگله هذا حسين فنك من تجيس اخياله
احنه موش أخوان يوسف حته تدناله

خانوا بي اهدعش عود اخوانه
واحنه اثنين والحسن ويانه
من يدور كون كله علينه
مضرب راح للمثل تلگانه
~~~~~~~~~~~~~~~
ضحك حيدر شاف آدم يفتخر بولاده
گله ولدك موش ساده وانه كلهم ساده
ياهو من ولدك الوادم ياخذون امراده

عندي حسين والحسن والشيبه
مملوحين ذوله زلم النيبه
العباس من أمس حاجيته
رفعة راس يا اولاد الهيبه
~~~~~~~~~~~~~~~
حرب وبسيفك الوادم كلهه ردت فازعه
گام واحد نشد واحد ذوله من الراجعه
شلون رديت النه تركض وانته روحك طالعه

ميت جاي عود حاروا بيها
گبل الموت سيفك امجويها
يا عباس ثاري هاي سوايتك
ملج الموت ما ملحگ عليها