القصيدة: جنة الله
أداء: مسلم الوائلي
كلمات: ياسر المطوري
~~~~~~~~~~~~~~~
ما عرفت الحب ابد لو ما عرفتك
جنة الله على الأرض خدمتك
حنانك يعني .. وطن يجمعني
حبيبي حبيبي
~~
يا آسر الروح يا بؤبؤ الشوف
ما تسوه العيون لو تنسه رسمك
كل الكريات بيها اسمك يعيش
معناها يحسين عايش عله اسمك
يا گمره تضوي سماي .. وتنور سنيني
بير اظلم كل دنياي .. لو ما تضويني
ما يرسيني اعله بر گلبي بضياعه
يا حسين إلا تصير انت شراعه
حروفك كنزي .. وملاذي وحرزي
حبيبي حبيبي
~
بالخدمه مرتاح نفسياً هواي
من ابتعد يوم اكره حياتي
بين اليخدمون عشت اجمل احساس
وبدمعة العين اضمن نجاتي
بالمجلس مثل الطير .. الله عالنعمه
ما شفت بعمري الخير .. لو ما هالخدمه
حته لو ابقه وحيد بلايه صاحب
انه اصحابي المجالس والمواكب
وانه شما اكبر .. صديقي المنبر
حبيبي حبيبي
~~~
يمك يمولاي بالحضره لو اجيت
بضاعه مزجاة جبت بأديه
توفيلي مكيال ما رايد هواي
كل اللي محتاج نظره عليه
استجدي ابابك جيت .. نظره وتكفيني
حاشه وارجع مولاي .. والدمعه بعيني
يا حنين وماكو احن منك عليه
ألزم ايدي بداعت ابنيتك رقيه
فقير وجيتك .. ردت حنيتك
حبيبي حبيبي
~~
افضالك هواي ما تنحسب دوم
من انه بگماط تعطف عليه
متدلل وياك ما قصرت يوم
من خيرك اتجيب وتحط بديه
ما يتجازه الإحسان .. لو صار هوايه
واكثر من الصحبان .. واگف ويايه
شلون اجازيك واسددهن ديونك
وانه من ابرد تغطيني بعيونك
يملجئ دافي .. بحنانك غافي
حبيبي حبيبي
~~~
هاي اعترافات من خادم يريد
منك يمولاي تقبل خدمته
ما عندي عنوان لا مرتبه وجاه
لو ما دعاء المهدي ونظرته
للمهدي بيا تعبير .. من يحجي الخادم
وهو السواني جبير .. ما بين الوادم
يندعيلي المهدي ابقه بهالخدامه
واندعيله يرجع النه بالسلامه
اهم شي عندي .. اشوف المهدي
حبيبي حبيبي
رد مع اقتباس