القصيدة: شيخ الانصار
اداء: مسلم الوائلي
~~~~~~~~~~~~~~~
حي الله حي الله .. حي الله حي الله
حي الله حي الله .. شيخ الانصار
~~~~~~~~~~~
ويلي من رفرف حبيب برايته
من بعيد حسين شاف خياله
جنه مو تسعين عمره من طلع
هلّه هلّه تصيحله الخياله
عاشگ النيبه ولو هد مهرته
يگلب الشاطي اعله روس رجاله
صاح اسويها مناحه
وماكو بالطف استراحه
.. الحومه اعيشها برعب
حسين گله يبن ظاهر
فوت واگلبها العساكر
.. فوت واگلبها گلب
يا خيال يعبره .. شبان تحير بأمره
ما جن تسعين عمره .. شيخ الانصار
~~~~~~~~~~~
من النجف عالناگه اجه ويا هيبته
كاشخ بنيته وسبحته وصايته
صوته جنه من آل هاشم لو حجه
صاحب حسين وثگيله حجايته
شيبه صاعد عالحواجب والعشگ
رجعه لذاك الزمان الفايته
من يطب اعله المعاره
يسوي للسبعين جاره
.. ويكسر خشوم الزلم
جنه عالسبعين حالف
تكشخ بحيله المضايف
.. ينگط مروه وعزم
من يصعد عالشگره .. كل الكون يحيره
ما جن تسعين عمره .. شيخ الانصار
~~~~~~~~~~~
حسين لمهم بالخيم وين الفحل
والهواشم گاعدين گبالهم
صاح هذا الليل واتخذو جمل
رجعه ماكو من الحرب گلالهم
گاموا من الغيض هزوا كربله
طفح ملج الموت من عنادهم
شلون يبن الزهره صاحوا
واعله جف حسين طاحوا
.. فدوه الك ناسي وهلي
هذا شاب ذاك شايب
كلمن بمعشوگه ذايب
.. صاح اريد الموت الي
حد سيفه وشد وزره .. فازع لابن الزهره
ما جن تسعين عمره .. شيخ الانصار
~~~~~~~~~~~
ما يبيع حسين ويعوفه بيسر
كلشي عنده انطاه لاجل رضعانه
من وصل عاشور واشتد العزم
وعرج السيف بصدر عدوانه
عدنه وي حسين سابق معرفه
عطره طابع فوگ قمصانّه
عطر ابو السجاد طابع
فوگ هدمه ونور ساطع
.. يطلع من مهنده
لا تنسي غاضريه
ولا يخاف من المنيه
.. يدرس بظهور العده
بگلوب الجيش جمره .. لامع سيفه ونحره
ما جن تسعين عمره .. شيخ الانصار
رد مع اقتباس
المشاركة الأصلية كتبت بواسطة ضياء كاظم الزيدي
