القصيدة: ما گام اخو تلگاني
أداء: مسلم الوائلي
كلمات: حسين كاظم الشبلاوي
~~~~~
رديت بس ما گام اخو بوجهي وتلگاني
شهر وتسع تيام انه ما شابگه اخواني
من الناگه طحت اني
طگ گلبي اعله خواني
من الجفه .. من الجفه
~~~~~~
رديت خسرانه هواي واكبر خساره الخوه
مو جرح متني المطگوگ يوجعني الحسين
مو بالمشي اتلوه حسين انه بوگفتي اتلوه
والله انه ميته وظليت اعله حساب الحسين
جبتلك صوغه جربة ماي وياي
ادري بگلبك من العطش ناشف
بجيت عليك حته بهوسة السوگ
وجان اليسوه والما يسوه واجف
جا فوگ ذبح اخواني اظل مجتوفه عالهزله
المسبيه حته لو مشت مشيتها مو عدله
من امشي مجويه
اعله اطراف رجليه
من الجفه .. من الجفه
~~~~~
صح صوتي كلش خلصان بس اعله اخوتي ارد انعه
مو راح اموت من الشوگ صيحولي عباس
ابجن ينسوان وياي عباس يسوه الدمعه
بلكي الله من ابجي هواي يگعدلي عباس
صدگ خجلان جي ما جايب الماي
فدوه انروحلك انه وخواتي
من گالولي سحگت فوگك الخيل
جمعتك من وره الخيل بعباتي
مو فدوه لعيونك رحت لا رحت مسبيه
هواي بعباتي تراب اكو اليم گبرك شويه
لا تبجي مو واجب
بس اختك اتعاتب
من الجفه .. من الجفه
~~~~~~~
انه الشلع گلبي حسين من انجفه واشرلي
اشر وشفت ايد حسين مو خمس اصابع
من كثر ما محني حسين حسبالي جاي يصلي
صدره من السهام البي من ظهره طالع
مجان انريد نشتم منه الحسين
ما حصلنه بي من گد السهام
انه مو هاي تعبني اليحز بيك
مسح سيفه برگبتك خويه من گام
گدام عيني اتجمعوا فوگك السلابه
نتقاسم الخنصر الك وانه الي اثيابه
الهاظمني مو ذني
الخدام شتمني
من الجفه .. من الجفه
~~~~~
شرد احجي والبيه هواي مو زين ويدگ گلبي
جا وين جانت لام عون يهدوها للشام
هو انت عايز يحسين حته انه اجملك تعبي
خليني اموتن فوگاك ما اريدن الشام
اخيي الحرگ گلبي جويعده احذاه
اريد احجيله وين اليوجعني
يحسين الجواري فراشهن ريش
وانه مجتفه وراسي اعله متني
حته رقيه بالسبي كبرت مصيبتها
بالسوگ يم اهل الذهب وگفوا ناگتها
اشتاگتلك وصاحت
جيبوا الي وماتت
من الجفه .. من الجفه
~~~~~
فارگنه بالعاشر سيف وهسه التراب انوبه
ارد اشبع مشابگ بيك وخرلي التراب
الميت هله من تشتاگ تشتم تظل بثوبه
هسه انت حته من اشتاگ ما عندك اثياب
اگلك گوملي تجاوبني مسحوگ
اگلك گودني اتگلي اعوجيه
يخويه الينشبگ مو اله مشبوگ
گواج الله منك هاي هيه
مو اله تشبگني تره من تگلي خويه اقبل
مو انه شو جبت العمر گضيتها اتحمل
هاي البجت يمكم
زينبكم اتحبكم
من الجفه .. من الجفه
رد مع اقتباس
المشاركة الأصلية كتبت بواسطة ضياء كاظم الزيدي
