انت صح ما منكسر ضلعك يمه اباب الدار
بس شفت نفس الوجع ونفس البيه اعليك اندار
والضلع نفس الضلع والفارق خيل وبسمار
يبرد ابصدري الحجي بس الحافر كلش حار
من هسه عاشور يريدك واعذرك
من هسه والخيل احسهه اعله صدرك
من هسه الرماح تدور اعله نحرك
امنيتي ياحبيبي ما يلفي باجر
امنيتي مااشوفك بين الحوافر
وما تترس العين دمعاتي يحسين
حيرني وضعك
يايمه دون اخوتك حيرني وضعك
ابجي اعله ضلعي مدري ابجي اعله ضلعك
مابينك وبين دمعاتي يحسين
حيرني وضعك
ـــــــــــــــــــــــــ ـــــــــــــــــــــــــ ــ
من شفت بابي احترك وضل تارس ريتي الدخان
غمضت وتخيلت ذيج اخيامك والنيران
الينجوي ابجمر الخيم جم عطشانه وجم عطشان
والاشد منهن بعد امراكض زينب والنسوان
محروكه الخيام اشوف اعله اهلهه
وبالصحره نسوان منو يفزعلهه
وزينبكم ابهاي ولا واحد الهه
زينبكم الاميره والهاشميه
عكب الكفلهه باجر تصبح سبيه
بهذا السبب دين دمعاتي يحسين
حيرني وضعك
يايمه دون اخوتك حيرني وضعك
ابجي اعله ضلعي مدري ابجي اعله ضلعك
مابينك وبين دمعاتي يحسين
حيرني وضعك
ـــــــــــــــــــــــــ ـــــــــــــــــــــــــ ــ
انه صح ابني انذبح ذاكه الماشفته ابدنياي
لا ترس عيني وكبر لا سامع صوت امناغاي
عالاقل ما منذبح بيدي اوليدي ابسهم الماي
لا شرب لونه العطش ولا رديت ابدمه وياي
ابنفس السهم ذاك اليكطع وريدك
عبدالله مذبوح اشوفه اعله ايدك
بمناشغ الموت ييمه ويريدك
عالمحسن ابدمعتي يايمه سكته
بس مو مثل رضيعك ذبحو ركبته
وبيهن جلمتين دمعاتي يحسين
حيرني وضعك
يايمه دون اخوتك حيرني وضعك
ابجي اعله ضلعي مدري ابجي اعله ضلعك
مابينك وبين دمعاتي يحسين
حيرني وضعك
ـــــــــــــــــــــــــ ـــــــــــــــــــــــــ ــ
من شفت محني الضهر وابوجهك مو ذاكه النور
سافرت دمعه وجرح من بيت احزاني العاشور
باجر ابطف كربله نفس الموقف راح ايدور
من ترد من النهر هم ترجع محني ومكسور
ترسملي يحسين ملامح صفنتك
من وكفتك هاي ييمه ودمعتك
من هسه مكسور على الخوه شفتك
من هسه جاي اشوفك يوليدي وحدك
لا كافل البقالك لا غالي عندك
ولاغله جفين دمعاتي يحسين
حيرني وضعك
يايمه دون اخوتك حيرني وضعك
ابجي اعله ضلعي مدري ابجي اعله ضلعك
مابينك وبين دمعاتي يحسين
حيرني وضعك
ـــــــــــــــــــــــــ ـــــــــــــــــــــــــ ــ
انه صح خدي انسطر وحمره من طك هاي العين
مو مثل عينك تره اليجمد بيهه الدم يحسين
انه صح جفي انجوه ابنار الباب التطلب دين
مو مثل كلبك تره كلبك يتجوه ابنارين
من هسه نارين شفتهن عذابك
وحده اعله الخيام والاخره اعله بابك
شطفي يانار ييمه ابعتابك
ترسملي صوره شفت المدامع
الله يعينه كلبي لهاي المواجع
وماتطفي نارين دمعاتي يحسين
حيرني وضعك
يايمه دون اخوتك حيرني وضعك
ابجي اعله ضلعي مدري ابجي اعله ضلعك
مابينك وبين دمعاتي يحسين
حيرني وضعك
ـــــــــــــــــــــــــ ـــــــــــــــــــــــــ ــ
قصيدة: حيرني وضعك
الرادود: مسلم الوائلي
الشاعر: علي اكبر الغرابي
الكاتب: ابراهيم خليل
رد مع اقتباس
المشاركة الأصلية كتبت بواسطة ضياء كاظم الزيدي
