ابروني الذمه شو بيّن عليه الموت
ملك موتي احس شاورني مدري شكَال
ما مهموم ابد من موتي ابد ما خاف
بس دمعات امي اعليه حيل اثكال
اجر كوه النفس صخره اعله صدري اتبات
وبس حيدر علي يروح ويرد عالبال
من اكولن يا علي من صدري هم ينزاح
ولو خيبر بصدري بعزمه هم ينشال
يمر الموت واتمر ذكريات هواي
مهرة العافية وانه الجنت خيّال
ادعولي العافية وبس السنين اتكوم
لموتي اتشاهدت والعمر كلش مال
احس كد ما نحيل من المرض والموت
تمر بيه الشمس ما تلكه بيه خيال
احس هاي السنين اتطشرت بالريح
شيلم العمر والعمر جنه ارمال
احسبت كلشي ولكن ما حسبت لهاي
مكتول العمر والكه النفس جتال


الشاعر حسن العنزي