يا گلبي كافي الليل ما ينتهي
جوة الضلع شو ضال وحدك تون
كافيك حزن الروح صابر نبض
شرياني شو دگاته كلهن حزن
يا گلبي بين ضلوعك اشچم كسر
كسروك بس يا گلبي بعدك تحن
كافيك تسهر حارس اعله الدمع
مرات اشوفك طالع اعله الجفن
ما تشرد من اضلوعي يالمبتلي
ما تطلع وترتاح من السجن
التمن عليك وانت كلّك صبر
ما رايد من الدنيا بي تستچن
أسود يگلبي الليل من الكحل
شمسهرك وانت ابيض من الگطن
ذبلان احس ، متغير وشيبت
مو مثل الاول يا گلب واتغيرت
يالچنت شايل ناس چنك وطن
هسه انت من الناس چنك تبت
يسألونك الماشين شو مبتعد
وتگلهم من الليل والله تعبت
وتكول أعد احباب ياما چنت
سهران أعد نجوم تالي وكت
يا گلبي كافي الليل ما ينتهي
حتى النجوم وياك هم ابتلت


الشاعر حسن العنزي