حزن بعيونها يسولفلي عنّي
وعن هاي العيون الفارگنّي
سوالف ع الجفن وينشغن ادموع
شفتهن بالصور بس شو چونّي
مثل ما عاتبتهن بيهن عتاب
ومثل ما يتّمتهن يتّمنّي
هاي اعيونها الصارن غريبات
اگضي اونّلهن واغنّي
شيرجع السنين وامسح الفات
واراويچ الليالي العذّبنّي
الحزن صار اعله طولي مكَدر اگدار
مبلل ثوبي واسنيني البچنّي
من فارگني طولچ والصبر راح
لاگيت السهر بعیونی ذني
دمع نزلت الكحلة بوجنتچ ليل
اشتعلت اشموع وادموعچ طفنّي
عساها بذمته الفارگني وياچ
وعساها بذمة اچفوف الخذنّي
آنه رايد گمر ما رايد هلال
چف الباگ وجناتچ ضلمني
الحلقة البيدي منچ هيچ مبخوت
وضاعت دنيتي من ضعتي مني
بيش افديچ خاطر يرجع الفات
اخلافچ جمر المگابر حضنّي
يريت وياچ اعيش ونبقه للموت
تره ايام الموادع ألمّنّي
گبر وبصف گبر ونموت عشاگ
اگبور اهل العشك نكتب هذنّي

الشاعر حسن العنزي