أبوذيات حسين االساعدي
///
بعد ما أمزح ابكلشي /وصرت جد
وأبشرك شابت اللحيه / وصرت جد
كالولي اليجد يلكه / وصرت جد
شو جديت الك / ما صرت اليه!
حسين االساعدي
///
أنه الأخذ الكشره/ ولك جوز
وأرضه ابقسمة الوحده / ولك جوز
بس من طبعك القاسي/ ولك جوز
خلاني أمشي // وتصفك بديه!!
حسين االساعدي
///
عايفها السِلال وعفت /عنباي
والطاري المضايف شوك/ عن باي
الشيخه الاجت عن جدي /عن باي
شو هسه اللفوا,, اتشيخ عليه!
حسين االساعدي
///
حلوه الدنيا لكن/ مره منك
وعنك جنت أشاكف/ مرمنك
مره الرميه مني ///مره منك
ومره اثنينهن // ثارن عليه
حسين االساعدي
///
لو كل العمر مطلوب/ بس لك
وبخبزه وشراب الماي/ بسلك
بس احذر تكلي ابيوم/ بس لك!
هاي ال لك / متلوك اليه!!
حسين االساعدي