السلام عليكم ورحمه الله وبركاته
اخواني واخواتي حبيت اتكلم عن موقف صار بحياتي
بسنه ٢٠١٩ قررت اشتري دراجه گير عادي او دراجه ايرانيه بوقتها جان عندي هوه أو نكدر نسمي واهس بهذا النوع من الدراجات
المهم افتريت وسألت ومثل متعرفون السعر حسب نظافه الدراجه ونوعها
والنوعيه الي جنت رايدها اسمها تايكر جان السعر بوقتها بين ال ٤٠٠ إلى ٤٥٠ بالمننطقه وصيت اصدقائي وشباب اعرفهم يفتهمون بالدراجات اجاني صديق كال لكيتلك دراجه نفس الي تريدها ب ٣٠٠
يعني فرق بين ال ١٠٠ إلى ١٥٠ شي حلو صح بس المشكله مكانها بعيد عن منطقتي لان اني ساكن بالدوره والدراجه مكانها اليوسفيه
المهم استأذنت من رب عملي ورحت اشتري الدراجه رحنه اني وصاحبي بدراجته حتى بالرجعه كل واحد يرجع بدراجته اتفقنه والامور كلش طيبه
بطريق الرجعه الله كاتبلي انكلب بالدراجه وينكسر عظم الترقوه والحمد لله عما سلف
واكو تفاصيل ما اتذكرها مجاي تحظرني وبوقتها كذبت على امي كتلها الدراجه بنفس منطقتي وهي اصلا رافضه فكره اشتري دراجه
العبره من الكلام كله
اولا اذا اهلك غير موافقين على شي حاول تفكر الف مره قبل لا تسوي
ثانيا موضوع الماديات والفلوس حاولت اشتري بسعر ارخص وبعدين خسرت أضعاف سعر الدراجه وخسرت شغلي
الحمد لله على كل حال اتمنى ما طولت عليكم تره الموقف حقيقي بدون اي حرف زايد
رد مع اقتباس
المشاركة الأصلية كتبت بواسطة رمـْـْْـْــــــــآڊ
