ساعة وچانت عيونك حمامات وعصاري وفَيّ
ساعة وچانت عيونك
حمامات وعصاري وفَيّ
ساعة وچان لوٌن الهندس الدنيا وضحكتك ضَيّ
بزحمة ليل
واسمك يلمض بروحي
ضوى اعله الماي
شحلات اسمك ولا يشگگ من الماي
لمني الهوى يطشرني ولك ياطوگ
اخذني برمشك لياحلم واسهرلك
انا مسودن
ولك وادمنه مشموسه
ولا عرفو ضواك منين
يالبضحكك ضوى هلالين
موسيقة صوتك تفزز شكو بگلبي
اصابيعك بچفي اشموع
ضَوّن كل درب بي خوف
احب سكتت سواليفك
تورد صبخة اضنوني من اغنيلك
شَگَگ كل حلا الجمار
ياديم المحابب يا لذيذ الصوت
هذا انت بصحوتي بنومتي شلذك
يمظفور اويه جنسيتي اسافر بيك واندلك
ها يالتسد عين البوب من تندار
حزن كل الولايه انه اذا مااجيت
ولك گلبي جنح كل طيره مرعوبه
دوت عودانها بهيده وشراها غروب مدري المن
سَكت كل تعب يتشضه بخيالي
يالمشيك يگود الشوف
يلشلذك نبع بفياي
اجيتك خرزه مذعوره
تخلبص خيطها وزهگت
غفت بچفوفك ودنيتها لجيدك
شل سن مستحه شوگك
الگلب تتغنج يريدك
يطعم التين من يعرگ
ياالرسمك مناره بروحي مايعتگ
يروج ودغدغت حزني
هاي الگاع مامتواعده اويالورگه من اتطيح
من ناديتني الگربك
بست صوتك
شبگت الريح
مجنون وشبگت الريح
كل وشلة نشد منك
طعم غبشة وحدايق والفراش الوان
نورس تعودتك والخلگ غربان
امان تودد بكيفك
لحد ماتصدح بطرشت مسامعهم خفگ رايه
تلولح وانشتل بيه هني وسباح وحچايه
يصوغة دنيتي اندلك بيا مضمام
لميتك بطارف خزرة عيوني شمس ع الجام
انشطب من كل تعال وانكتب يمك
تسرسح ياوتيني الگمره الك تنصاغ
الك بيه فرح وجناغ
يالعيونك حمامات وعصاري وفَيّ
فيصل الحجيمي
رد مع اقتباس
