((جنه وجان))
/
سوالفنه ابزمان الجان,,
​فرحه> اتخدر الأحزان!
الوادم جنت أشوفنها /// اورود وكاعده ابستان
جان الجار >كبل الدار,,, هيج انقيم الجيران!!
وجان السلف رغم العوز,,ميعوف الوكع جوعان!
وجان المستحه الموجود,,, بعيون (الزلم) نيشان!
جنه وجان
بس ياهو اليرجع> الجان!!
عالفطره الصلاة جانت ,, وما شالت رياء انسان
واذا يمشي العله نيته,,,,, تتخايل مشه> القران!
والما يكدر يحج البيت !
بيت الله اليجليه >>>يدكدك البيبان!!
جنه وجان!
ما تلكه الخيانه ابناس ,, ما واصلهم الشيطان!
المصالح ما يعرفوها!!,, وكشخه لمة الصحبان...
شو هسه / اختلف كلشي
من واقعنا / وين أمشي!
خايف ذكريات اليوم
باجر >تنكلب دفان!
بس لا تنكلب دفان!
حسين االساعدي