إنسانا چم يوم ونطيب إنسانا
فكّر بجرحك وعوف دوانا
أحنا عندنا چفوف ونسد الجروح
أحچيلي عالينزف وخالي ردانه

تريد الصدك هذا الصدك
يبچي وينزف و يقاتل

هذا الأخو نگله الكفو
مو كل عباس أبو فاضل

ﷲ وياك ﷲ وياك
بلكي نموت ونلگاك
ـــــــــــــــــــــــــ ـــــــــــــــــــــــــ ـــــــــــــــ
الماعنده مَيّه اليشربها
بيش يطفي خيامه؟
ينشف كل واحد
ماعنده العباس بأيامه
يگعد بس يبچي يگابلهن
مايكدر يحميهن
مره يخلي ايده على عيونه
ومرات على الهامه

سنينا كبرت وراك سنينا
وعلى فراگك ندعي الله يعيننا
عود اجينا نشيلك وطحنا وراك
نشيلك أحنا لو تگوم تشيلنا

طلعن شمس واحنا من أمس
بهاي الوگفه متانينك

احنا بحلم مدري بعلم
شو يمك و متيهينك

ﷲ وياك ﷲ وياك
بلكي نموت ونلگاك
ـــــــــــــــــــــــــ ـــــــــــــــــــــــــ ـــــــــــــــ
لا حل لا راي انطيتونا
شنسوي بفرگاكم؟
چم ساعه نضل لو چم ليله
نتاني الـ " ﷲ وياكم "
المايشبع من وداع أهله
يموت بـ أول ليله
شنساكم غير انتم جرحي
شلون أكدر أنساكم

خوفنا من الموادع خوفنا
شلون نمشي وخاليات جفوفنّا
من أمس فارگناك من اخذت الرضيع
لحظة اشوفك راح بيها وشوفنا

من دنگت و اتثلمت
حسينا اخر لحظاتك

شگد كابرت ما تلتفت
تخسر گلب بنياتك

ﷲ وياك ﷲ وياك
بلكي نموت ونلگاك
ـــــــــــــــــــــــــ ـــــــــــــــــــــــــ ـــــــــــــــ
هاي النوگ وهاي ايتامك
يحسين و هاي آنه
ضل بس خيامي المحروگه
إلمن باقي هنانه
هنا شاطي و جاي يلچمك
شد حيلك و أمشيله
وليله نسولف وي جرحك
بلكي يطيب ويانه

نعاتبه جرحك نلزمه نعاتبه
عادي هم گبلك جروح وطايبه
حسين قاس جروح ربع وكبرّاك
كون جرح أكبر جرح من صاحبه

شكبر الحرب سهمك صعب
ما يختار إلا عيونك

كثر الطعن ما ضل حضن
أهلك وين يشبگونك

ﷲ وياك ﷲ وياك
بلكي نموت ونلگاك
ـــــــــــــــــــــــــ ـــــــــــــــــــــــــ ـــــــــــــــ
- انسانه جم يوم ونطيب انسانه
الرادود | سيد فاقد الموسوي
الشاعر | سعد عواد
الكاتب | ميرزا محمد المياحي