​قصيدة: ما ظليت أشوفن
أداء: سيد فاقد الموسوي
الشاعر احمد المشرفاوي
.................................................
انا ما ظليت اشوفن لون دم مغطيك دمك
انا اول تالي اضيعك و ابدي انشدك على اسمك
كلي ظلي كلي روحي احجي لو زينب تهمك
اكعد و قنعلي روحي اليم اخوتي تتمنى يمك
.................................................
الجان لو رايد يسلم خاف اليمك يرفع ايدة
انشالت ايدة على التحبهن و بعد ضيمك خل ازيده
الماي اجا و كالولي اشربي و اني كلتلهم بعيدة
​ليش بعيدة
​الماي لو محتركه خويا و مو من ايدك ما أريده
ذكرت جسمك على الرمل و العطش شل عروقك
و يا كلبك الكوه يدك و الخيل تسحك فوكه.. اخ اخ
هذا النهار كله انفتح و الماي يجري وبارد
و مو نهار لو تمطر بعد ماي النهر ما اضوكه
​حسين خويه.. حسين خويه
.................................................
هنياله كلب الما يهم و الماله اهل هنياله
ما يفقد اعزازه و يظل مشدود فكرة و بالة
حسبت كل شيء و ما خذيت بس هاي مو شي ب بالي
​شنو هيه
​ما حسابه نشيب سوه و انطيك للخيالة
​حسين خويه.. حسين خويه
.................................................
جنت لو سير عليكم يطير كلبك لو شفتني
و لو مشيت تعطلني كوه تأخذه من الفوك متني
هنا صحت و داعة الله.. هنا كلت عنك عفتني
من كلت هم يالا روحي و ما كلتلي و عطلتني
.................................................
مرتين عن جسمك رحت بلكت تجلب بيا
شكيت مشتبها و كلت عن جثتك مو هيه
ما طلعت بساع و متت بالكوه طلعت روحك
تشبه بناتك بالحرك طلعن شوية شوية
​حسين خويه.. حسين خويه
.................................................
صاحوا على ابن امي حيهم.. صاحو على ابن امي حيهم
استوحدوا شيخ العشيرة
الييجي سهمه و ما يلوحه يشيل راسه يلوحه غيره
و طاح بس من طاح شفته يحجي وي المال غيره
شيكله يحلف الذباح اسمعه:
​راسي عن الخيام ديره.. راسي عن الخيام ديره
.................................................
واكف على ركبه و بجه و للخيام كام يباوع
مهضوم مو من العرك عمت عيني مدري شسامع
و اني من الخيام و صحت الله أكبر كافي
بطلت ما أريده عدل بس وخروا خله ينازع
​اخ اخ.. خويه حسين.. حسين خويه
.................................................
ينازع و يزحف على ايده دار صوب الماي
​ليش صوب الماي
​جسمه رايح
رايح العباس تاري عود ناوي يموت يمه
ردته الخيل بمجانه راح حلمه و راح دمه
و كربلاء لو كلها تفزع بعد ما تكدر تلمه
.................................................