القصيدة :: حب يا ابو الاكبر
الرادود :: سيد فاقد الموسوي
ـــــــــــــــــــــــــ ـــــــــــــــــــــــــ ــــــــــــ
حب يا ابو الاكبر بانفاسي يفتر
واسمك لگيته بشرياني الابهر
باسمك مشى الدم بجروحي بلسم
تحرگني اريدك مثل المخيم
ياحب واغلى حب حبك بالگلب
يحسين انته حبك صار كل ديني وحياتي
عشگك سيدي ديني ومذهبي
يحسين يالمحبتك بالحشر هيه نجاتي
يحسيني انته عشگي وديني
كل عمري ماعوف حسيني
اسلام عليك يا أبا عبدالله
ـــــــــــــــــــــــــ ـــــــــــــــــــــــــ ـــــــــــــ
صوره بخيالي والبيها غالي
مذبوح اشوفه ونحره اليلالي
للحب مناره حب موخساره
ينجي اليخدمه يزور الي زاره
يحسين نعمتك صارت خدمتك
رايد بس اموت بمجلسك وتلفني رايه
الدنيا بلا بچي زايده موحچي السالفة
الدنيا مخلوقه الك يحسين هايه
مارايد بس رضاك عليه
والدمعه للمشت مسبيه
إسلام عليك يا أبا عبدالله
ـــــــــــــــــــــــــ ـــــــــــــــــــــــــ ـــــــــــــ
من تلگى عاشر تبچي الضماير
اطفي جهنم كل دمعه باچر
تبچيني عبره الخيمه التنضره
حسين الحوافر سحگتله صدره
صارت كربله ودارت عالخيم
وانت انت ذاك الشامخ بين الحوافر
هيبه للرمح جرحك يبتسم يحسين
انته موبس للخيم للذنوبي ساتر
يل ماكو چف يرد بابك
ومصابك ماكو مثل مصابك
اسلام عليك يا أبا عبدالله ـــــــــــــــــــــــــ ـــــــــــــــــــــــــ ـــــــــــــ
عرش الله اسمك احتار اليرسمك
راسك يكمله مايلگه جسمك
الكون وجلاله الحب وجماله
كلها بحضرتك وانته الرساله
كونك وحدك يحسين والفلك
لودار حي على المذبوح تسبيح الكواكب
فرضك للعشگ نهواك من صدك
يحسين جسمك مطشر ولميت المواكب
يارايه وماتطيح الرايه
عشاگك ياحسين هوايه
السلام عليك يا ابا عبدالله
ـــــــــــــــــــــــــ ـــــــــــــــــــــــــ ـــــــــــــ
رد مع اقتباس