القصيدة :: دعوة والده
الرادود :: سيد فاقد الموسوي
الشاعر :: محمد الموسوي
ـــــــــــــــــــــــــ ـــــــــــــــــــــــــ ـــــــــــــ
سامحوني عطلت ممشاكم كون عميه عيوني
ردت اگولن يمه الله وياكم گلت يمه اخذوني
گلبي مامرتاح من چفاكم يمه خيبو ضنوني
حتى مالحگت من ارباكم تستراح امتوني
الوكت وين خذاكم يالولاد شجاكم
تره البيت وراكم ضلمه ضلمه ضلمه
گبل بيتي صيه وتركضون عليه
وتصيحون سويه يمه يمه يمه
يايمه يايمه يايمه
ـــــــــــــــــــــــــ ـــــــــــــــــــــــــ ـــــــــــــ
من وكت مسدود بابي اليله ويم غرفكم گاعده
امسح صوركم بطرف الشيله وادعو دعوة والده
ذاك الله يحفضه ويشد حيله وذاك الله يساعده
حسين من دون الولاد ادعيله بالميه البارده
يربي اطلبه اخاف اعله گلبه
چنت دوم اشربه بيدي بيدي بيدي
يرب موبعيده ترد ايدي بيده
الحسين اريده وليدي وليدي وليدي
يايمه يايمه يايمه
ـــــــــــــــــــــــــ ـــــــــــــــــــــــــ ـــــــــــــ
انه عندي اربع ولد واتباها وهذا هوه مرادي
بس وحگ ام الحسن ورباها اليرد سالم غادي
لااريده ولااريد اشباها وموش من اولادي
حسين نعمه والله اليجابها حسين موشي عادي
الوجه راح يديره والعيون بصيره
والچفوف گصيره وادعي وادعي وادعي
يربي بونيني اخذهم بنيني
والحسين يجيني وادعي ادعي ادعي
يايمه يايمه يايمه
ـــــــــــــــــــــــــ ـــــــــــــــــــــــــ ــــــ
ربي كون اليوم تطلع روحي لوتردهم باچر
من اهد ماگام يسمع نوحي الطير گام يهاجر ياشمس سلمي عليهم روحي
گمت احس شي صاير
حسين من ضلوعه احس جروحي
چنه جوه الحافر
بده يموت احسه انگطع عنه نفسه
شسوي انه هسه مدري مدري مدري
بده الضيم يربي بديت انسه دربي
بده يگلي گلبي اصبري اصبري اصبري
يايمه يايمه يايمه ـــــــــــــــــــــــــ ـــــــــــــــــــــــــ ـــــــــــــ
اليل خلصته ياربي انطاره وسالفه تجر سالفه
گلبي لاچمني واريد اخباره گمت احشم الطايفه
حسين يهل حسين وحشه ادياره وانه منه شايفه
بشارة الميت شنو من بشاره هاي المنها خايفه
الگلب بيش اصبره ويجي اليل شعبره
وبالدموع اسهره وابچي ابچي ابچي
خبر كون يجيني. ويبرد دليلي
انه مخلصه ليلي ابچي ابچي ابچي
يايمه يايمه يايمه ـــــــــــــــــــــــــ ـــــــــــــــــــــــــ ـــــــــــــ
رد مع اقتباس