القصيدة :: يالحاكم على الماي والبر
الرادود :: سيد فاقد الموسوي

ـــــــــــــــــــــــــ ـــــــــــــــــــــــــ ـــــــــــــ
يالحاكم على الماي والبر
يالعلى الغريب بساع تنغر
يالمابطيت على اليندهوك
جنازت ام عونك تحضر

( بالضيم بتك ياعلي وتريدك تمر بيها)

يالماعليك طريج يبعد
والينهضم من وحدك تهد
انه وديت ون لبابك طروش
مرني الهضم بالشام تگعد

(جدامك الذب ثوبه. ياوسفه يتمرجل عليه)

يل مابطيت واجيت سلمان
بتك واريد اليوم دفان
ضل النعش عالگاع مطروح
ولاضل ولد ولاضلت اخوان

(لم عونك احضر ياعلي ودفان مالاگاهه)

فريت وجهي وليك درته
يالي بالنجف صارت گعدته
بلا حد طروش عليك وديت
وخل يحضر يشيعها بته

(ياكون يتنگب علي ويحطوني فوگ متونه)

ابكل صوب اودي اليوم ونه
هلبت عدل ضل من اهلنه
ماترهم ابقى بلايه دفان
يالبعدك بطيبه الحگنه

(ياكون اهلها تشيلها البت شيخ ماتبقى بنعش)

يمحمد اسمع هاذ وني
خوان دهري بشام ذبني
ميته وبدي ليهسه الاحبال
ولا واحد من الحبل فكني

(من ايدي فك حبالي ويمحمد شگد ثغبت)

ويالدافن الوحدك عشيره
نگابك عليه ياعمه ديره
ادفني وحدك هالاجه اليل
واكتب علي ماتت اسيره

(وهاي الاهلها تعطلو واكتب علي ماجوها )
ـــــــــــــــــــــــــ ـــــــــــــــــــــــــ ـــــــــــــ