القصيدة: ليل وغربه
الرادود: سيد فاقد
الشاعر: محمد النواس

~~
ليل وغربه وادم صعبه
.. تفهم عيني
ياهو البيكم ياخذ گبري
.. يم حسيني

مدري شكثر مشتاگ اله
اخذوني بدمعتي لكربله
يم حسيني .. يم حسيني
~~
ما حسبت موتي بغرب بس الوكت وداني
يوميه من گد البجي عيني اعله وجه رداني
تمنيت اموت بكربله واندفن يم اخواني
حتى من افك عيني الصبح واحد يشوف الثاني

انه اللازم گلبه بإيده
.. ويجبي وحاير
انه الضليت بلا گبه
.. وبلا زاير

بكل حيلي افز من ارد انام
من اسمع لواحد سلام
يم حسيني .. يم حسيني
~~
انه الغريب المختنگ المحد يجي ويزوره
الشايل ملامح كل هله تذبح عيونه الصوره
اخذوني فدوه لكربله مو زينه يم الجوره
لو گبري هسه ويَاخوتي شباجي كله نذوره

هنانه الوادم موش لگلبي
.. ولا يعرفونه
اشتاگت روحي لوجه حسيني
.. ونور عيونه

الساعه عندي تمر سنه
اخذوني مو ضهري انحنه
يم حسيني .. يم حسيني
~~
يمته تشيلون الصخر خانگني هاي الفتره
قابل بلال انه الحسن مو مال فوگي الصخره
المفروض اليه بكل شبر لون ومناير صفره
بس الاهم من المهم يحسين اضل بالحضره

اخذوني لجنة گبر اخواني
.. بشوگي الزايد
هوه اليطب گبر حسينه
.. من الله شرايد

سولي مجلس من اجيه
حتى ابجي وياكم عليه
يم حسيني .. يم حسيني
~~
موش انه ذاك الينسي وسنينه تگضي بغربه
انه الكريم المندفن يم ناس توجع گلبه
اخذوني بترابي لكربله ما بيه اضلن صعبه
وما اتعب الياخذني ابد لا حضره الي ولا گبه

هنانه المن ضال شعندي
.. بس الهمي
حتى شلونك ما جاي اسمع
.. لواحد يمي

بس الحمام اعله الگبر
يبجي ويطير من العصر
يم حسيني .. يم حسيني
~~
انه الثگل حزنه ولگه واصل الشيب لرمشه
لا يمي جف لله انرفع لا بيه اذان الغبشه
ما بين اخوتي ودمعتي كبرت بروحي الوحشه
لو گبري بي باب وعلي لاخواني اطلع ممشه

انه الشيب رمش عيونه
.. ومحد عانه
انه الفاتح ايده ويجبي
.. لشوگ اخوانه

الغربه ضلمه بلا ضوه
شيلوني اريد اشتم هوى
يم حسيني .. يم حسيني
•••••••••••