قصيدة: اصد للشام غربه
الرادود: سيد فاقد الموسوي
ـــــــــــــــــــــــــ ـــــــــــــــــــــــــ ـــــــــــ
زينب غريبه وعازتچ عازه
الله اكبر وحشه الجنازه
شالتهم عله متونها الليله
يريد الگلب يازينب اعزازه
سبيه وهذا حالي نعش من غير والي
يخوتي الله اكبر ولا واحد بچالي
مامش خوان يبچون عالتابوت
محد بچه عله جنازتچ محد
شام الشماته بطيحتچ عيد
احا يزينب يامتن شالچ
ولشام امس من خيمتچ فرهد
غريبه وصاح صوتي الحگوني يخوتي
اريد الكافل اخته يجيني بيوم موتي
لحگو التابوت خاف يطب للديوان
سكته البواچي عله النعش سكته
وين الحنين اليفزع عله اخته
فاتحتي بأرض الشام وحسين
فوگ الرمح سويت فاتحته
اخوتي الدللوني عجب ماشيعوني
اصد للشام غربه وعگب هاشم سبوني
فاتحتي هناك واهل الشام معيدين
الله والحد هاي تاليها
زينب غريبه تريد اهاليها
السابيها امس ياناس عالناگه
حته الجنازه يريد يسبيها
چبيرت ال هاشم نعشها بلايه وادم
گضت من المصايب واخوها بغبره نايم
مو من الشام ماتت بفراگ حسين
هاي السبيه الشام اذاها
على عيونچ يزينب حلم مذبوح
كل عينچ دمع بس مابچيتي
بچيتي دموع طهرتي المسافات
كل خطوة دمع منير بنيتي
ياهيبة علي الدخلت على يزيد
خورستي الزلم وتسيديتي
هاي السبيه الشام اذاها
تالي بخرابه الدهر ذباها
فراگ الحسين يتعب اهوايه
كاسر گلبها وحيل بچاها
اجت وي العشيره صفت بلشام اسير
الحبل جارح اديها مره محدبه وچبيره


(تعبانه ام عون ماتت يلعلويات)


ـــــــــــــــــــــــــ ـــــــــــــــــــــــــ ـــــــــــ