قصيدة: من فوك النوك وصحناكم
الرادود: سيد فاقد الموسوي
الشاعر: حمزة الحسناوي
-------------------
يابعد روحي شبدية كوة من يمك مشينا
هسة گلي اشلون بيكم مدري احنا شلون بينا
گون تگدر اشر انت احنة مجتوفات ادينا
تنزف واحسك سلمت ضل دمك يفور..
كلما يشتمون الحرم تهتز النحور..
بس هذا الماردت اتشوفه من يدفعون المجتوفة
دنيا ومن عينك تختل شفتك وتمنيت انزل..
الله وياكم..
من فوك النوك وصحناكم •اللّـہ‌‌ وياكم تعبناكم
فوك الناكة وعيني تهل شفتك وتمنيت انزل ـــــــــــــــــــــــــ ـــــــــــــــــــــــــ ـــــــــــــ
كلشي ماضل ليش اضلن كربلا شخلت عليه
بس ادية وجتفوهن يعني لحكوني اعلى اديه
اختصروا اسمي الجان زينب هسة سموني سبية
نار بعبينا وجلبت من كربلا وياي والمحترگ مابي نفع لو دور فياي
شيفيد الفي گمنا نعوفة مطرت نار اسطوح الكوفة
وعيون الوادم تكتل شفتك وتمنيت انزل
الله وياكم
من فوك النوك وصحناكم •اللّـہ‌‌ وياكم تعبناكم
فوك الناكة وعيني تهل شفتك وتمنيت انزل
ـــــــــــــــــــــــــ ـــــــــــــــــــــــــ ـــــــــــــ
انا من عيونك اشرد وانت من عيوني تشرد
ذكرتني بذاك عمري من جنت وياي تكعد
تدري بية اشكد احبك تدري بس تكوم تنشد
من جنت اكلك لٱ تهم ياواهس العين زينة انة مادام النفس يشتم الحسين
زينة اختك من جنت وياهة مو من ذباحك طگاهة
خلي اسكت يل ماتحمل شفتك وتمنيت انزل
الله وياكم
من فوك النوك وصحناكم •اللّـہ‌‌ وياكم تعبناكم
فوك الناكة وعيني تهل شفتك وتمنيت انزل
ـــــــــــــــــــــــــ ـــــــــــــــــــــــــ ـــــــــــــ
الميت يطيح بمكانه وانت تمشي وياي شفتك
تارس الكاع بكبرهه شكد مشيت وماعبرتك
كل شبر كل خطوة اشوفك كمت احس بروحي ازتك
يمطشر فياي العبي ماضن يكفيك
لآزٍمٍ نغطي كربلة لْـۆ ردت اغطيك
جسمك ياهو بهاي الراضي
خلصت گاع •اللّـہ‌‌ وماگاضي
يمهل ربك مايهمل شفتك وتمنيت انزل
الله وياكم
من فوك النوك وصحناكم •اللّـہ‌‌ وياكم تعبناكم
فوك الناكة وعيني تهل شفتك وتمنيت انزل
ـــــــــــــــــــــــــ ـــــــــــــــــــــــــ ـــــــــــــ
خلي اسولفلك رقية ماتت وماندري بيهة
ضامة هواي بكلبهه وانا جنت اسمع بجيهة
ليل تشكي من الخرابة وصبح تشكي من اديهة
بجفوف اديهة شكد اثر مايقبل يروح وتنز اذا لف الچفن من گد الجروح
جابو راسك يمهة وصاحت
هذا الماحاسبته وماتت
گمنا شوية شوية نقل شفتك وتمنيت انزل