القصيدة: ياعيد الاكشر
الرادود: سيد فاقد الموسوي
----- -------------

جابو ودمه اعلى الثرى يسيح
وبالباب زينب واكفة تصيح
هذا علي الماشلته الكاع
يلجم راسه بهبة الريح
---------------
يخواني بهداي ويا ابونه
دم راسه نازل على عيونه
يبجي الحسين وزينب تصيح
ويلا يهلنه الضيعونه
----------------
شافته وكامت تلطم العين وصاحت علي يعينك يبو حسين
ياعيد راس العيد مطبور
وياعيد الاكشر يامسلمين
---------—--------
لطمت وصاحت وين عباس
ياراس خدري استقبل الراس
معقولة ابوك يموت مغدور
العندة مثلك زلمة ينجاس
--------------------
عباس صاحت كوم لختك
لحك ولو مو هذا وكتك
مو هذا يومك والطف بعيد
بس مادري عليمن ندبتك
--------------------
هيا انا هاي الدللوها
وشلعو كلبها بموت ابوها
عباس عادات الاخت هاي
من تنهضم تركض لخواها
------------------
شايفلك مره بلا حيل تركض حيل
وعطشانه وغريبة ومن امس تعبانه
بحيث من التعب صليت كعدة حسين
بس المستحه يركض التعبانه
-------------------
من زمان موش توه انشلع كلبي
من زمان منهد ماكالولي اركبي
من زمان ضاع اخوي وضاع دربي
من زمان كالو شتردين طلبي هذا ماي
حسين يعطش وانا اشرب شلون هاي
----------------
مااريدة خله الماي خله
حسين يسوى الماي كلة
ياكون اشبعكم مذلة
يعطش ابن امي ويطلع احلى
----------------
ماكو عون يال هاشم الحكو اختكم
ماكو عون زمخت الناس اعلى بتكم
جاغير يوكف كلبي وتفض
شني مره مخلصتها تركض
مات الفريضه شلون نفرض
امنيتي صارت هاي اغمض
------------------
موش ناس كلها تتباوع عليه
موش ناس سوك سوك انصاح بيه
موش ناس دوم ماعدهم خطيه
من الاميرة للخطية
ومن الخطية للسبيه