القصيدة:زلم طبارة
الرادود:سيد فاقد الموسوي
الشاعر:سعد شميل
ولا چن معركة وريج الزلم يابس
ربع هاشم تهد وتعارك بواهس
عدل وبثاره.. خذوله انصاره.. صدگ صحبة
ـــــــــــــــــــــــــ ـــــــــــــــــــــــــ ـــــــــــــ
أبو علي نادى وأجت كلها قادة
اجه..وين الكلف والصاحب زين
أبد ماكو ذرة ..بعموم المجرة
ربع ..ما تلگى تشبه ربع الحسين
طلعوا طلعة وحدة من الخيام
كلمن فل مهرته وشد اللثام
ما بيهم توالي وكلها جدام
صاحوا سادة أنتم واحنا خدام
جمل..ما ناخذ الليل احنا ولاية
نشد راية..الرجل ما يرجع براية
رگبنة بشارة..خذولة بثاره
ولا چن معركة وريج الزلم يابس
ربع هاشم تهد وتعارك بواهس
عدل وبثاره.. خذوله انصاره.. صدگ صحبة
ـــــــــــــــــــــــــ ـــــــــــــــــــــــــ ـــــــــــــ
هلا يبو شيبة..چبير الكتيبة
سمع..متخوفة زينب من الأصحاب
يخاف بالكفلهة وخسف صدره الها
ولاااا...تسعيني چنه رد ولد شاب
زينب من وره الخيمة وتسمعين
وذر نتوذر وما ننطي الحسين
سبعين ألف هم واحنا سبعين
بس وروح ابوچ انطرها نصين
نخط خط عالخيم وابن امه اليعبره
إذا واحد يجي نشده بحبل مهره
زلم طبارة..خذولة بثاره..
صدگ صحبة
ولا چن معركة وريج الزلم يابس
ربع هاشم تهد وتعارك بواهس
عدل وبثاره.. خذوله انصاره.. صدگ صحبة
ـــــــــــــــــــــــــ ـــــــــــــــــــــــــ ـــــــــــــ
الحرب قفلوها الخوذ شمروها
بخت..عنده الگه مضمام الرأس
جواب ارد اسمعه.. إذا هيچي ربعه
اذن..شيسوي من يفوت عباس
هي الحلوة بيها جدام السباع
من فوگ المهر وتخط ع الگاع
علگ من الخيم شدو ع الذراع
وارتجلوا شعر فوگ من البداع
شعر مالح حچو من هذا التريده
وعلي لمن تسمعه بودك اتعيده
وبدوا بالغارة ..خذوله انصاره
ولا چن معركة وريج الزلم يابس
ربع هاشم تهد وتعارك بواهس
عدل وبثاره.. خذوله انصاره.. صدگ صحبة
ـــــــــــــــــــــــــ ـــــــــــــــــــــــــ ـــــــــــــ
يفور بيهم الدم..احر من جهنم
ع السبعين ألف قامت الساعة
التفاتة غريبة..علاقة عجيبة
مثل فرض الصلاة ماتوا جماعة
إلا من ناصر من سمعوا يصيح
توگف جثة وجثة ترجع تطيح
اخذلك هيچ فزعة من المذابيح
رغم موتى وعطرهم طيب الريح
شكثر..چان الحسين اصحابه عاشگهم
يحط خده ع خدهم من يودعهم
سمعنا اختياره..خذوله بثاره
خوش صحبة
ولا چن معركة وريج الزلم يابس
ربع هاشم تهد وتعارك بواهس
عدل وبثاره.. خذوله انصاره.. صدگ صحبة
ـــــــــــــــــــــــــ ـــــــــــــــــــــــــ ـــــــــــــ
العمر كله فدوة ..للعيونه التسوه
ترى مو هينة العنده هيچ صاحب
حلو بكل صفاته..عظيم شحلاته
شرط مو مستحب..لا حبه واجب
غربل صحبته وبقى اليوافون
وقليلة الوادم البشدة يبقون
صح شوية ظلوا بس يكفون
لحايهم ثلج تشبه گلب جون
ترس للدنيا بالطف هاي صحبتهم
دليل بصفه صارت حتى دفنتهم
صفى الكل جارة .. خذولة بثارة
خوش صحبة
ولا چن معركة وريج الزلم يابس
ربع هاشم تهد وتعارك بواهس
عدل وبثاره.. خذوله انصاره.. صدگ صحبة
رد مع اقتباس