قصيدة: طلعوهن
الرادود: امير المحياوي
الشاعر: سجاد حيدر العكيلي

~~



يا زهراء مدد
--
طلعوهن
والشمس ضمت ضواهة
الشمس بل خدر تدري وخافت تطلعلة ضل
غمضت من مستحاهة

شلون دنية اتطلع اربات الخدور لصوب صحرة
هاي كسرة
الجانن بسد الهواشم
تالي يمشن فوك هزلة ، هاي كسرة

بين غربة اسرار يمشن
وچم خرابة البيهة طبن
هنانة زينب تحجي بيام المسيرة
كالت وهلت دمعهة
من جان كفالي ولا جني چبيرة
جنت اميرة
وجان جفة يدور اعلة اثار جدمي
لو مشينة بوسط ديرة
جنت اميرة
حيرة ادليلي فلا توصلهة حيرة
وجان لو خيمنة هوة اليركض ويترس چربتة
ويرجع يصيح بلهفتة
ماي من الجربة اشربن
المي رخيص اليوم لكن باجر يكلفنه جف
هنا كسرني وابتده بهالجلمه طف
بروحي ضل ياكل سؤال
خوية يا عباس هونك ، ليش كل هاذ العجال ؟
كمت احس عيونه تحجي
بهيمه مايبقه دلال
وردت اهوده كتله خويه
انته يمنه وهذا يعني
ماتوصل اليمنه الحبال
وكال باجر انه طايح
ويحجي بالخدّر ضياع
من تصير الكاع مسكن للسباع
كمت احسً اكو سفره
ودمعي يصبحلي المتاع
هاي باجر
يعني جم موته اموتً بالوداع
اخ ياباجر ولا تبقالي كاع

وبدت بالهم المسيره
من وصلنه الغاضريه
هنانه شح الماي عدنه
هنا عرفت عرفت اتثمن الماله ثمن
هنا عرفت نصير غربه ابلا وطن
هنا عرفت يموت كلب ام الحسن
من شفت عباس مد أيده الجربته
وعيني بعيونه قرن

هاي روحه وتنتهي بكطعة جفوف
هاي اول موته الي بأرض الطفوف
بانت الحيره اعله اهلنه
واعرفت طاح ابو فاضل
من شفت وجه الحسين

أيده مداها اعلة ضهره
وأيده الاخره
بهمه مداها اعله نحره
هنا عرفت الكسره كسره
من سمعته يريد مهره
وماكو واحد سده واكف
وعينه طاحت صوب عيني
وجبته مهره
الطف خريف واحنه شجره
ووكعانه
ورقه ورقه
وركب مهره واعرفت باجر يسر
ساعه لن صوت الطبول
يدلي تايه وين صارت كربله
وماكو حل بس ابو الباقر
وكتله عمه
كلي وين حسين ضال بيا حوافر
كلي ارفعي الخيمه ليه
سكت وعيونه تسولف
وكلي فرن
عمه فرن
ذاك مصحف فوك رمحه
ذاك ابوي واحنه جرحه

وطلعوهن
من بعد ذيج المهابه
طلعوهن
سبحه جن اتطشرن بالهيمه هاي
وفوك هزله جمعوهن
طلعوهن