قصيدة: هد يعباس
الرادود: مجتبى الكعبي
الشاعر: شاكر الصيمري
~~
هد يعـــــباس المراجــــــــــــل يومها
خلها توصـــل للمدينه اعلــــــــــومها
طبها واستنــــگاها مــــــــــــن اربابها
وخلي يلعب سيـــــــفك اعله ارگابها
ايدك امن اتطگ غمــــــــيج اصوابها
كربله صــــــيده وتراقــــــب حومها
بالمـــــــــدينه ام البــــــنين انريدهه
اتسولف اعله الناس طـاري اوليدهه
كون كلها اتگـــــــول تســــلم ايدهه
الجابت العبــــــــــاس كلفه ابيومها
انته شيخ المعــــــــــركه واولامها
ومن تكض الحـومه تلوي الجامها
يمك السبــــــعين ترخى اجدامها
غير ابن فارس بــــــدر جيدومها
برايته العباس ضــــــــل ايكورها
الخيل ماتگعد زلــــــــم بضهورها
يوم ابو فاضــــل عيونه ايدورها
ياكتيبه المـــــــــا يغص زردومها
ضاگـــــــــــت ودور الرحى دارها
شي ورا اعبـــــــــــور النهر وداها
وشي سحگها وشي ركض عراها
مثل تله امچـــــــومات اهدومها
هيبة الشجــــــــعان من ماضيها
وابو فاضل وي علـــي امگضيها
وماعصت وياه يعصـــي اعليها
وايده ماتلويهه يوم اخـصومها
رد مع اقتباس