القصيدة :: يالماشين
الرادود :: مدين العياشي
الشاعر :: كاضم عبد الحسين الحولاوي
ـــــــــــــــــــــــــ ـــــــــــــــــــــــــ ـــــــــــــ
ماجاي اصدگ واقتنع بويه السهر تعبني
يلگتلي احبچ من صدك چاهيچ بويه تحبني
هيه انه بس روح ونفس مومالت اتغربني
صعدني وانه من المرض من اشتكي يعاتبتي
يگضي اليل بالي يدور بين الغربه والغربه
والمهضوم من يشتاگ تطلع غربته بگلبه
والحمل ضعنها. شيهود حزنها
يالماشين هاي الروح لوحنت شگللها
وهاي العين بعد حسين يانور اليكحلها
لورادت وطنها شيكمل حزنها
ـــــــــــــــــــــــــ ـــــــــــــــــــــــــ ـــــــــــــ
من اهد غبشتكم بده هندس الوحشه براسي
يتكسر بصدري الحچي وبالگوه اجر انفاسي
لومنگطع عني الهوه ولاانگطع عن ناسي
الله يعينك ياگلب ثاري الموادع جاسي
بويه حسين وي ماسار مركبكم خلص حيلي
تمشي النوگ وانه الااخ تتمشى بتفاصيلي
الراحو گوه عنها شيهود حزنها
يالماشين هاي الروح لوحنت شگللها
وهاي العين بعد حسين يانور اليكحلها
لو رادت وطنها شيهود حزنها
ـــــــــــــــــــــــــ ـــــــــــــــــــــــــ ـــــــــــــ
انه ادري ماترجع بعد بس گاعده متانيتك
معودني تشبگني گبل كلما ترد لبيتك
مرن ثلث ت ايام الي يابويه ماحبيتك
وانه چنت ماانام اذا ماشم عطر الحيتك
بين الريت والياريت صاير مدمعي امتاعي
تعب الروح ماينگال چاسولفته للساعي
الحسره شتحچي عنها. شيهود حزنها
يالماشين هاي الروح لوحنت شگللها
وهاي العين بعد حسين يانور اليكحلها
لورادت وطنها شيهود حزنها
ـــــــــــــــــــــــــ ـــــــــــــــــــــــــ ـــــــــــــ
يهلي الانسان الينفرد گوه من اليحبونه
مثل اليعيشونه بغرب وبغربته يدفنونه
مرات يوصل مرحله مايدري وين عيونه
من كثر ماينشد يضل بالناس اليلاگونه
ماخليت حتى الريح هم اگعد وانشدنه
ها ياريح گلي حسين ميت لو بعد ضنه
الرايح كلشي منها شيهود حزنها
يالماشين هاي الروح لوحنت شگللها
وهاي العين بعد حسين يانور اليكحلها
لورادت وطنها شيهود حزنها
ـــــــــــــــــــــــــ ـــــــــــــــــــــــــ ـــــــــــــ
رد مع اقتباس