أبابيل ونزل سجيل لا انحس
ياضرغام ياليث وسبع واخنس
يابيهس حطام وراهب ودوكس
ياصياد ياصارم ياضراك ياحازم

ابو فاضل

سبنتي طبها أضبط بلحرب درواس
وشج الساس
ضم ضم انته ياعباس
طب اليسبي بر سردار للفراس
شدقم يا ابو لبده
غضنفر صاحب الشده

ابو فاضل

عكرش عل المچر بأسود ضواحيها
گص عذرابها ونشف شواطيها
گصد لأرض الگنيص الصايد عليها
تگوه و گوته الصاغة
يگص و الروس لداغة

ابو فاضل

فراقص حامي ماضي بالوغه اقدم
نهز فرهود تصبح يندله من الدم
عائث هندس بروس الزلم يردم
چعب و الداو تعبته
راصد دمها حللته

ابو فاضل

مهدد ماهوه هرات بالميدان
رازم سندري مخلوق بس انسان
مصدر حمزه كردوس و خطف سرحان
و جاغ و گلطته الصلحه
حنطه و حطهم برحه

ابو فاضل

قصاقص قصه قصها سكت العذراب
فارس غاد عنبس و ستعد قباب
سگم عيشها صلدم نار بيها وشاب
گطه و طارگها شاهينه
چهبها و حومرت عينه

ابو فاضل

التگص تگصي لون گابلها مو گصاد

عتها و دخنت وتخوصر الشداد
ردت ردها مردم ردداها رماد
وكر وفك جناحينه
ذيب وشوهرت عينه

ابو فاضل


مو ياهو اليجي و يگابل الشرسة
زلمنا سباع كلمن طينته و رسه
هاشم على كلافة زلامها معرسة
نيشان الحرب چم راس
الف يرفضهن العباس

أبو فاضل

يل منسب خوافگ بإذنك على الطگ
يصيهود الحرب يا گيض من تزرگ
يا ينبوع حار الگصة من تعرگ

ماع الدرع بمتونه
فنهم لو يلاگونه

أبو فاضل

يا حواچها و أستاذ مغزلها
يبو چف الزهيد العدل فاتلها
بيدك روس هاي الزلم شاتلها

يا فلاحها الغباش
سوي بروسهم شوباش

أبو فاضل .



يل تسبج عزوم الذيب
يمفحط ضواحجها
يا حوت البحر يهديب
يا مشتت كواسجها
لويت بچفك العنزة
يل مچسر مجامجها
عد غيرك نصن عباس
يعلن لك بوارجها

گوم أذبحها على الربعة
بمزاوي الزلم گبعها

أبو فاضل

إزاره يحلى بچفوفه
لَمن شاد وزاره
خلي الدشنة تاكل روس
من تصير گنارة
گالط على وجاغا الموت
باشط عزم خطاره
بدوي و راسه حار يفور
و ترهدن بمگواره

أبرد گشعم و أرگط
فحطت هوا ما يفحط

أبو فاضل

باركت الزلم مقدام
مگلا و روس چواها
شاهت منه عودت هيم
من السما يراها
غصت طلگت بصفين
و العباس طگاها
بدان بدان فوگ بدان
و المهيوب صفاها

مُر ما ينجرع ضوگه
ذكروا خالد و طوگه

أبو فاضل

هرات و چهبها تگول
و أفترت مصارعها
شولشها و بهز عباس
روس أنثر مگاطعها
فرع و ابتسم هزاع
و إنهزمت مهارعها

سچن غاضها الأكور
گله أبشر يبو الأكبر

أبو فاضل


طيح شيثة الفياض
تزغر و الگمر يكبر
راواها الوطيس بيوم
خنست و الويه أصفر
خله اللاحگاته تنوخ
يسطح بيده الخنير

فارت و الهوا نسري
دياجي حوله گمري

أبو فاضل

يا عصاة أبن الماي
يل ماكل أفاعيها
رخية گبالك أنت زهيد
بچفك گوم و أطويها
سرحان الوغى عباس
جيش أبگى و مواشيها
غادي من الغري الصنديد
وصلها مساريها

چراديغ الزلم ذبها
كفرت تيهت رَبّها

أبو فاضل