حنيت من وحشة مساهم
وبلا وعي اركض وراهم
ماشوف لو اظلم سماهم
خاف اتعمى اعيوني ابجفاهم
***********************************
ان شاء الله .. ماتعمى عيني حتى اشوف عيونكم
ان شاء الله .. وبكل مسه گعد واگول شلونكم
ان شاء الله ..
***********************************
اني ام الاربعة دمعي يهل
دوم أگول ان شاء الله كلشي سهل
من بعد هالفرگة يلتم الشمل
والمهم اوليدي يرجعلي عدل
يومية للملگة استعد
وانثر على السچة ورد
باچر ضوة عيوني يرد
ماعودوني اعله البُعد
احوالكم .. نفس الملامح لو تغير لونكم
احوالكم .. فدوتكم اني ولا عشت من دونكم
ان شاء الله ..
***********************************
گلي من يمته يبو وجه السمح
دتجفي لا انته ولا طيفك يصح
انته زين ان شاء الله مامنجرح
هسه ميخالف جرح بس مو ذبح
لا مو برد چفي رجف
من الهجر جسمي ضعف
من وگفتي جدمي نزف
مارد خبركم ياوسف
اخباركم .. ضاعت عليه وخايفة يغدرونكم
اخباركم .. خير ومَسرة وبلكت ايوافونكم
ان شاء الله ..
***********************************
بالسلامة ان شاء الله ماكو ألم
سالم حسين وسلامة هالخيم
مايطيح ان شاء الله الچف والعلم
وبسلامة الجود من طاري السهم
ابچي ويسولفلي الگلب
ويگلي عينچ عالدرب
يـ أم الگُمر ماظل صعب
باچر يجون من الغرب
وبجاهكم .. مو عالرماح الوادم يشوفونكم
وبجاهكم .. فوگ الاصايل حتى يتلگونكم
ان شاء الله ..
***********************************
ادعي سلمهم يالهي من الخطر
لا سهم يوصل ولا رمية حجر
ماردت عالمشرعة كسرة ظهر
والاخو بعد الاخو يكتلة القهر
لا اب يفارگله ابن
لا والدة تشيب حزن
لا اسمع ابثكلى تون
ويلاه يدهري الما يحن
شيجيبكم .. ها يالمشيتوا ماترف اجوفنكم
شيجيبكم .. يبعدهم الله الرادوا ايبعدونكم
ان شاء الله ..
***********************************
من يعود اوليدي وافرح بالخبر
حتى اگولن الله لا رد السهر
بيه بوسة خنصر وبوسة نحر
بيه طيحة ظامي يم جاري النهر
خلي يرد لو بس نفس
ماساحگ بعظمه الفرس
وبصدره ما واحد نفس
ولسانه مو خشبه ويبس
وادعيلكم .. يـ احبابي خو ما رادوا ايعطشونكم
واعيلكم .. ماكو ظليمة ولا صهل ميمونكم
ان شاء الله ..
***********************************
بالطريق ان شاء الله زينب لفت
مو على الهزلة ابحمايتكم اجت
للسبي اسم الله عليها ما مشت
لا حبل بـ چفوفها ولا شيبت
ماطلعت ابين الزلم
لا سمعت اصياح وشتم
والعدها كافل تنحشم
مرناحة ترجعلي المهم
وبجالكم .. ترجع اميرة وچفها فوگ امتونكم
وبجالكم .. محد يشوف اخيالها ام عونكم
ان شاء الله ..
***********************************
كلمات الشاعر | السيد عبد الخالق المحنة
MP3
Zahraa al obaidi
رد مع اقتباس